Kačka vyvieła kačaniat prosta na kłumbie ŭ centry Minska VIDEA
Niadaŭna ŭ siecivie źjavilisia foty, jak kačka vysiedžvaje svaich ptušaniat prosta na kłumbie ŭ dvoryku kala budynka Śbierbanka ŭ centry horada. Heta toj znakamity budynak, jaki pieršapačatkova płanavaŭsia pad hatel «Kiempinski», ale nie zrasłosia. Niahledziačy na sumnievy skieptykaŭ, ptušcy svaju zadaču vykanać paśpiachova ŭdałosia.
Supracoŭniki banka pakłapacilisia, kab kačcy, jakaja zahniezdavałasia ŭ takim niečakanym miescy, pa mahčymaści nichto nie zaminaŭ. Hniazdo abnieśli achoŭnaj stužkaj i navat prynosili ptušcy tudy vadu i ježu. Kačka navat atrymała mianušku — Kapiejka.
Na dziva, uvieś čas nasiedžvańnia ptušku nichto nie patryvožyŭ, i ciapier u siecivie źjaŭlajucca ŭžo videa, jak jana razam z maleńkimi kačaniatami płavaje na Śvisłačy.
U toj ža čas «Anłajnier» piša i pra inšy padobny vypadak: adna z ptušak vyrašyła hadavać ptušaniat u skviery Vajniłoviča, što pobač z Čyrvonym kaściołam i Domam urada.
Zdymki ŭ redakcyju prysłała čytačka, jakaja piša, što, akramia kačaniat, u nievialikim vadajomie skviera hadujucca i ptušaniaty čajek. Prytym miesca tut ludnaje, dziaciej rehularna vodziać na ekskursii ŭ Muziej kino, jaki ŭ susiednim budynku. I kali darosłyja za imi nie sočać, to školniki z zadavalnieńniem lezuć u vadu i haniajuć ptušak, što, vidać, nie nadta dla ich kamfortna.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary
V folkłorie utka často simvolizirujet nieviestu, a sielezień — žienicha. Obierieh-uticu darili na novosielje, sčitałoś, čto on pomohał sochraniť domašnieje tiepło i błahopołučije.Primiety i povieŕja:
Jeśli utka vstrietiłaś v nieožidannom miestie — ždať skoroj pribyli.
Uvidieť utku s utiatami — nastojaŝij znak sud́by, sulaŝij udaču i ŝiedryje dary."