U Maskvie na 87-m hodzie žyćcia pamior viadomy rasijski litaraturaznaŭca, hałoŭny redaktar časopisa «Pytańni litaratury», Łazar Łazaraŭ. Łazaraŭ, aŭtar krytyčnych artykułaŭ i manahrafijaŭ, źjaŭlaŭsia taksama adnym z samych viadomych znaŭcaŭ i papularyzataraŭ tvorčaści Vasila Bykava. U pryvatnaści, u 1979 Łazaraŭ hodzie napisaŭ knihu «Vasil Bykaŭ. Narys tvorčaści».
«Z Bykavym u Łazarava była ŭ peŭnym sensie słavutaje frantavoje siabroŭstva, darma što jany nie vajavali razam, — kaža litaraturaznaŭca i aŭtara šmat jakich pramovaŭ da knih Vasila Bykava Michaś Tyčyna. — Abodva vałodali ahulnymi čałaviečymi jakaściami, hučna vykazvalisia ad imia «zabitaha pakaleńnia». U čas šalmavańnia Bykava, Łazaraŭ paličyŭ za naležnaje stać na bok biełaruskaha piśmieńnika, i ŭ svajoj knizie nie ŭzbajaŭsia pryhadać apovieść «Miortvym nie balić», pra jakuju vykazaŭsia sumlenna, adno pavodle svajho ŭłasnaha razumieńnia litaratury».
Z Vasilom Uładzimiravičam Łazaraŭ paznajomiŭsia ŭ 1963 hodzie paśla taho, jak u časopisie «Novyj mir» była nadrukavanaja jaho pieršaja recenzija ab bykaŭskaj prozie. Jak kazaŭ Łazaraŭ padčas ich pieršaha zajomstva jaho ŭraziŭ nie stolki sam Bykaŭ, kolki staŭleńnie da piśmieńnika tahačasnych biełaruskich uładaŭ. Sa słovaŭ Łazarava «Jaho (Bykava) usiesajuznaja viadomaść, što tady pavialičvałasia, vyklikała ŭ ich (biełaruskich uładaŭ) vialikuju padazronaść». Jany listavałsia da apošniaha: abmiarkoŭvali litaraturu, macavali adno adnaho siabroŭskim słovam. Łazaraŭ atrymaŭ list užo chvoraha piśmieńnika, kali toj pierajazdžaŭ z Prahi ŭ Minsk.
Sam Łazaraŭ — udzielnik Vialikaj Ajčynnaj vajny, byŭ uznaharodžany ordenam Ajčynnaj vajny II stupieni i bajavymi miedalami. Uznačalvaŭ časopis «Pytańni litaratury z 1992 hoda. Uspaminy Łazarava pra Bykava ŭvajšli ŭ dvuchtomnuju knihu-encykłapiedyju Siarhieja Šaprana «Vasil Bykaŭ. Historyja žyćcia ŭ dakumientach, publikacyjach, uspaminach, listach» (2009).
Raźvitańnie z Łazaravym adbudziecca 1 lutaha ŭ vajennym špitali imia Burdenki.
Čytać jašče:
Listavańnie Łazara Łazarava z Vasilom Bykavym.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary