Staŭ viadomy prysud, vyniesieny lidarcy prafsajuza «Naftan» Volzie Brycikavaj
Žančynu taksama ŭnieśli ŭ śpis ekstremistaŭ.
Viciebski abłasny sud 8 krasavika ŭ zakrytym režymie asudziŭ byłuju staršyniu niezaležnaha prafsajuza «Naftan» z Navapołacku, palitźniavolenuju Volhu Brycikavu. Aktyvistku abvinavacili ŭ «raspalvańni sacyjalnaj varožaści albo varažniečy» pavodle č. 1 art. 130 Kryminalnaha kodeksa, piša «Viasna».
Sud pačaŭsia 11 sakavika, spravu viała sudździa Halina Bondał, viadomaja svaimi prysudami palitviaźniam Jarasłavu Kazakieviču, Robiertu Kuźniacovu i inšym. Jana pryznała aktyvistku vinavataj i asudziła da pazbaŭleńnia voli na try hady ŭ kałonii va ŭmovach ahulnaha režymu.
11 červienia sudovaja kalehija Viarchoŭnaha suda pad staršynstvom sudździ Uładzimira Čaravača razhledzieła apielacyjnuju skarhu Volhi i pakinuła jaje biez zadavalnieńnia, a prysud bieź źmienaŭ.
Volha Brycikava adpracavała na pradpryjemstvie «Naftan» 16 hadoŭ, ale była zvolnienaja praz svaju prafsajuznuju dziejnaść i adstojvańnie svajoj hramadzianskaj pazicyi. Raniej jaje nieadnarazova zatrymlivali za vykazvańni suprać vajny i raspaŭsiud «ekstremisckich» materyjałaŭ. Ciaham 2022 hoda jana praviała ŭ źniavoleńni 105 sutak, ź ich — 75 zapar.
Kančatkova jaje aryštavali ŭ žniŭni 2023 hoda.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary