Pres-sakratarka Łukašenki nazvała try pryčyny masavych pratestaŭ u 2020 hodzie
Natalla Ejsmant u prahramie «Skažyniemaŭčy» na «Biełaruś-1» padzialiłasia svajoj viersijaj bačańnia, čamu mienavita 2020-y hod byŭ napružanym i jakija faktary na heta paŭpłyvali.
«Čamu mienavita 2020 hod staŭ takim?», — pacikavilisia viadučyja.
«Histaryčny kantekst, histaryčny momant. Vielmi šmat usiaho, i Łukašenka ab hetym šmat havaryŭ. Taja ž pandemija. Heta najvažniejšy faktar, jaki prosta adciahnuŭ usieahulnuju ŭvahu, a samaje hałoŭnaje — heta ŭvaha Łukašenki. Jon taksama ŭ hetym pryznavaŭsia, što nijakaj palityčnaj kampanii, a tolki pahružanaść jaho ŭ pracesy achovy zdaroŭja. Łukašenka kožny dzień zajmaŭsia mienavita hetym. I tut jon mieŭ racyju. Chto b heta pryznaŭ na siońniašni dzień? Jany (zachodnija palityki) prosta maŭčać!
Niemahčyma nie skazać, što našy ludzi stali značna bolš samadastatkovymi, atrymali bolš mahčymaściaŭ. Im ciesna, chočacca voś hetaj samaj «pjanlivaj svabody». Usio razam heta paŭpłyvała. Nu a my ŭsie niedzie hetyja momanty ŭpuścili.
Taksama rassłabili vybary 2015 hoda, kali na fonie padziejaŭ va Ukrainie ŭ nas prajšło ŭsio spakojna, jak i pavinna było być.
«Łukašenka skazaŭ: «Ja absalutna ŭ hetym upeŭnieny, kali b 2020 hoda nie było ŭ našym žyćci, jaho treba było b prydumać», — reziumavała Natalla Ejsmant.
Natalla Ejsmant sabrałasia pisać knihu: My pavinny pakinuć praŭdu, bo našy vorahi taksama napišuć
Ejsmant adreahavała na publikacyi pra svaju majomaść: My ŭ ich vyjhrali b luby sud
Natalla Ejsmant pryznałasia, što mocna pachudzieła
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary
Čamu Łukašenka stolki hadoŭ trymaje pres-sakratarkaj Natallu Ejsmant?
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary
A ŭtaraja - ŭsie tvai miačty,
Trećja - heta ŭsie tvai słava,
Ja im nie pavierył jadva.