U Francyi bolš za 180 kandydataŭ zdymucca z vybaraŭ, kab spynić ultrapravych
2 lipienia apanienty «Nacyjanalnaha abjadnańnia» ŭ Francyi ŭzmacnili sproby nie dapuścić prychodu ŭltrapravaj partyi da ŭłady. Amal dźvie sotni kandydataŭ zajavili, što admoviacca ad udziełu ŭ druhim tury vybaraŭ, kab paźbiehnuć raźbićcia hałasoŭ vybarščykaŭ, piša Reuters.
Pavodle acenak miascovych ŚMI, na jakija spasyłajecca ahienctva, bolš za 180 kandydataŭ paćvierdzili, što nie buduć udzielničać u niadzielnym druhim tury vybaraŭ u 577-miascovy nacyjanalny parłamient Francyi. U inšych jość čas da 18:00 pa Paryžy, kab pryniać anałahičnaje rašeńnie.
«Nacyjanalnaje abjadnańnie» Maryn Lo Pen vyjšła na pieršaje miesca ŭ pieršym tury hałasavańnia ŭ niadzielu. Centryscki łahier Emaniuela Makrona apynuŭsia na trecim miescy, a na druhim — levy «Novy narodny front».
U toj ža čas daloka nie vidavočna, što «Nacyjanalnaje abjadnańnie» zmoža atrymać 289 miescaŭ, nieabchodnych dla bolšaści ŭ parłamiencie, a źniaćcie ich apanientaŭ z vybaraŭ moža jašče bolš addalić takuju pierśpiektyvu dla ŭltrapravych.
Pavodle padlikaŭ sacyjołahaŭ, u pieršym tury «Nacyjanalnaje abjadnańnie» mahło atrymać dzieści 250-300 mandataŭ. Ale heta było da taktyčnaha źniaćcia kandydatur i mižpartyjnych zaklikaŭ da vybarščykaŭ padtrymać taho kandydata, jaki maje najlepšyja šancy na pieramohu nad miascovym supiernikam «Nacyjanalnaha abjadnańnia».
«Matč jašče nie skončyŭsia. My pavinny mabilizavać usie našy siły», — prakamientavała padziei pradstaŭnica sacyjalistaŭ, mer Paryža An Idalha.
Prezident Francyi Emanuel Makron zaklikaŭ da «demakratyčnaha jadnańnia» ŭ druhim tury, kab supraćstajać ultrapravym.
«Siońnia jasna, što ŭ habrejaŭ u Francyi niama budučyni». Hałoŭny rabin Paryža zaklikaŭ habrejaŭ zjazdžać z Francyi
«Makron kinuŭ Francyju pad aŭtobus». Što piša presa pra vybary ŭ Francyi i ich pieršyja vyniki
Apublikavanyja aficyjnyja vyniki vybaraŭ u Francyi
U Paryžy paśla abnarodavańnia vynikaŭ ekzitpołaŭ tysiačy ludziej vyjšli na vulicy
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja
Cichanoŭskaja zaklikała biełarusaŭ paźbiahać vybaraŭ i nie pratestavać14
Kamientary