U Indyi kala sotni čałaviek zahinuli ŭ ciskaninie padčas relihijnaha schodu
Trahiedyja adbyłasia ŭ vioscy raci Bchanpur, na ŭskrainie jakoj ludzi sabralisia, kab pasłuchać viadomaha prapaviednika Bchole Babu. Takija relihijnyja sustrečy nazyvajucca satsanh, piša Bi-bi-si.
Praces apaznańnia achviar, siarod jakich šmat žančyn, a taksama dziaciej, usio jašče praciahvajecca.
Pakul niezrazumieła, što mienavita pryviało da ciskaniny. Pa słovach vidavočcaŭ, vychad byŭ zanadta vuzkim, i, kali ludzi pakidali mierapryjemstva, z-za mocnaj pyłavoj bury ŭźnikła mituśnia i panika, u vyniku čaho mnohija ludzi byli zataptanyja.
Miortvych i kantužanych udzielnikaŭ mierapryjemstva pryvozili ŭ traŭmatałahičny centr na hruzavikach, motarykšach i navat na matacykłach. Miesca ŭnutry balnicy nie chapiła, i cieły stali składać prosta la ŭvachodu.
Na adnym z rolikaŭ, jakija źjavilisia ŭ sacsietkach, bačnaja žančyna, jakaja płača nad niekalkimi niežyvymi ciełami ŭ kuzavie hruzavika, na inšym — cieły mužčyny i žančyny, jakija lažać pobač.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary