Mahiloŭskich žurnalistaŭ buduć sudzić za ŭdzieł «u bajavych dziejańniach za miažoj»
U Mahilovie na hetym tydni pačynajuć sudzić žurnalistaŭ-fryłansieraŭ Alesia Sabaleŭskaha i Jaŭhiena Hłuškova. Im staviać u vinu «ŭdzieł va ŭzbrojenym farmavańni abo kanflikcie», a taksama prynaležnaść da «ekstremisckaha farmavańnia».
Akramia ŭdziełu va ŭzbrojenym kanflikcie, ich abvinavačvajuć u stvareńni «ekstremisckaha» farmavańnia (č. 1 art. 361-1 KK) i ŭdziele ŭ «ekstremisckim» farmavańni (č. 3 art. 361-1 KK).
Razhlad spravy mahiloŭcaŭ pačniecca 12 lipienia ŭ Mahiloŭskim abłasnym sudzie, piša Mayday.team.
Alesia Sabaleŭskaha zatrymali ŭ śniežni 2023 hoda. Pieršapačatkova jon padvierhnuŭsia dvum administracyjnym aryštam, paśla čaho ŭ studzieni 2024 hoda na jaho zaviali kryminalnuju spravu. Apieratar Jaŭhien Hłuškoŭ byŭ zatrymany ŭ pačatku studzienia 2024 hoda.
U Mahilovie Sabaleŭski viadomy jak adzin z fryłansieraŭ, jakija supracoŭničali da 2020 hoda z haradskimi anłajn-vydańniami. Jaŭhien Hłuškoŭ — były mahiloŭski žurnalist, u 90-ja i 2000-ja pracavaŭ na haradskim telebačańni, paśla hetaha supracoŭničaŭ ź niekalkimi haradskimi partałami.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary