Novy ŭładalnik restaranaŭ chutkaha charčavańnia eks-Mcdonald's — kampanija «Kvolici Fud» — vykupiŭ 13 abjektaŭ hramadskaha charčavańnia za 20,2 młn dalaraŭ. Pryčym ustanovy byli nabytyja ŭ Dziaržkammajomaści. Infarmacyja pra heta źmiaščajecca ŭ novaj spravazdačy kampanii «Kolijerz» pa situacyi na rynku nieruchomaści ŭ Minsku, piša «Lusterka».
Jak paviedamlajecca ŭ hetaj spravazdačy, byli nabytyja 13 abjektaŭ sietki Mak.by. ich ahulnaja płošča — 11,6 tysiačy kvadratnych mietraŭ.
U kampanii «KSB Viktory restarany», jakaja kiruje ŭstanovami «MAK.by» — heta byłyja restarany Mcdonald's, — źmianiŭsia ŭładalnik.
Ciapier jana praź firmu «Kvolici Fud» naležyć biełaruskamu małočnamu mahnatu Alaksieju Saŭčuku, jaki aktyŭna zavajoŭvaje rasijski rynak. Hetaj źmienie papiaredničali sproby dziaržavy praź Dziaržkammajomaść «adcisnuć» biznes u «KSB Viktory restarany» i jaje sinhapurskaj «mamy».
Jak vynikaje z adzinaha dziaržrehistra jurydyčnych asob, ciapier 100% firmy znachodziacca ŭ rukach firmy «Kvolici Fud». U svaju čarhu 90% hetaj kampanii naležać Alaksieju Saŭčuku. Viktoryja Dańko atrymała 10% akcyj u novaj firmie, heta značyć pa sutnaści zachavała ŭ MAK.by takuju ž dolu, jakuju mieła ŭ eks-Mcdonald's.
Alaksiej Saŭčuk — viadomy ŭ Biełarusi biznesoviec z małočnaj haliny. Siarod jaho aktyvaŭ značacca brendy «Małočnyja horki», Horacki charčovy kambinat, jaki vypuskaje viadomy napoj Exponenta, Trubčeŭski małočny kambinat i inšyja.
U apošnija hady małočny mahnat aktyŭna pašyraje biznes u Rasii. U 2022-m prodažy dystrybjutara horackich «Małočnych horak» i «Słaviany» vyraśli ŭdvaja i skłali blizu 200 młn dalaraŭ. Taksama vyraśli pastaŭki praz handlovy dom «Biełłakt», dzie jon maje dolu ŭ 49%. Biznesoviec taksama inviestavaŭ u budaŭnictva apart-hatela Liberty Residence, raźmieščanaha pobač z kinateatram «Pieramoha» ŭ centry Minska.
Karotkaja pieradhistoryja, što adbyłosia z Mcdonald's
11 listapada 2022 hoda stała viadoma, što Mcdonald's sychodzić ź biełaruskaha rynku. Jaho miesca źbirałasia zaniać Rasijskaja sietka fastfudu «Vkusno — i točka». Kiravać im pavinna była taja ž kampanija, što i restaranami Mcdonald's, — «KSB Viktory restarany». Na toj momant hetaja firma naležała praź inšyja jurydyčnyja asoby biznesoŭcu z Kazachstana Kajratu Baranbajevu i dyrektaru sietki restaranaŭ u Biełarusi Viktoryi Dańko.
Ale ŭ listapadzie 2022 hoda Alaksandr Łukašenka, kamientujučy sychod Mcdonald's, zajaviŭ, što jaho miesca pavinny zaniać biełaruskija pradpryjemstvy i vytvorcy. Tak prychod «Vkusno — i točka» nie adbyŭsia, a eks-Mcdonald's praciahnuŭ pracavać pad niezrazumiełym brendam «My adkryty». U krasaviku 2023 hoda kampanija «KSB Viktory restarany» padała zajaŭku na rehistracyju novaha tavarnaha znaka, paśla čaho sietka restaranaŭ chutkaha charčavańnia źmianiła nazvu na «MAK.by».
U 2023-ha i pačatku 2024-ha Dziaržkammajomaść praz sudy damahałasia prypynieńnia dziejnaści «KSB Viktoryi» i jaje kiprskaj «mamy». Čym usio skončyłasia, nie paviedamlałasia, u Viarchoŭnym sudzie zasakrecili hetuju spravu.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?22
Kamientary