Hramadzianina Indyi, jak miarkujecca, uziali ŭ zakładniki ŭ Biełarusi
Vykradalniki patrabujuć vykup kala 24 tysiač dalaraŭ i mocna źbivajuć zakładnika.
Vydańnie The Times Of India paviedamlaje pra maładoha čałavieka sa štata Charyjana pa imieni Sonu (Sonu), jakoha, jak miarkujecca, uziali ŭ zakładniki ŭ Biełarusi. Jon zmoh datelefanavacca da svajakoŭ i patłumačyŭ situacyju. Vykradalniki patrabujuć vykup 2 młn rupij (kala 24 tysiač dalaraŭ). Źviarnuŭ uvahu na publikacyju Reform.news.
Pa słovach členaŭ siamji, vykradalniki dali pa videasuviazi pahavaryć z Sonu, a zatym adabrali ŭ jaho telefon i zapatrabavali vykup. Spačatku svajaki vypłacili kala 400 tysiač rupij (kala 5 tysiač dalaraŭ), na 11 lipienia vykradalniki znoŭ ź imi źviazalisia i zapatrabavali sumu ŭ 5 razoŭ bolšuju.
Pavodle viersii brata Sonu, Karmdžyta, małady čałaviek nakiroŭvaŭsia da svajoj žonki i dziciaci ŭ Partuhaliju, kali jaho vykrali i pavieźli ŭ Biełaruś.
«Moj brat, jaho žonka i moj plamieńnik (pa matčynaj linii) źjechali ź Indyi ŭ Partuhaliju 22 vieraśnia 2022 hoda i zdoleli dabracca da Sierbii. Adnak majmu bratu Sonu pryjšłosia viarnucca pa niejkaj pryčynie. Tym časam jaho žonka naradziła tam dzicia, paśla čaho moj brat chacieŭ sustrecca z žonkaj i dziciem, jakija niadaŭna palacieli. Ale jaho vykraŭ tam chtości, chto zapatrabavaŭ 2 młn rupij za jaho vyzvaleńnie.
Jany mocna źbivajuć jaho, robiačy nam videazvanki. My nie možam zapłacić hetuju sumu, tamu indyjski ŭrad pavinien umiašacca ŭ hetaje pytańnie», — dadaŭ brat vykradzienaha.
Na prablemu źviarnuŭ uvahu miascovy palityk Randzip Surdževała. U svaim błohu ŭ X jon źviarnuŭsia da premjer-ministra Indyi Narendry Modzi z prośbaj umiašacca.
हरियाणा प्रदेश में बेरोजगारी के भयंकर आलम का सच और दर्दनाक कहानी
— Randeep Singh Surjewala (@rssurjewala) July 12, 2024
जमीन बेचकर लाखों युवा विदेश जाने को मजबूर,
युवाओं की पीड़ा और उनके साथ हो रहे अत्याचार से,
मोदी व नायब की भाजपा सरकारें बन बैठी अनजान!
धमतान साहिब, नरवाना, (जींद) का एक बेबस व लाचार युवा, जो आज रूस मौत के साए… pic.twitter.com/8ckGv7YzXK
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady26
Kamientary