Viačorka: Łukašenka abvieścić datu svaich vybaraŭ, tolki kali skončacca amierykanskija
Daradca Śviatłany Cichanoŭskaj vykazaŭ mierkavańnie nakont budučych prezidenckich vybaraŭ u Biełarusi i niaśpiešnaści Łukašenki ŭ hetym pytańni.
![](http://nashaniva.com/img/w840d4webp1/photos/stock/lukashenka15072024-vke73.jpg.webp)
Łukašenka na samicie ŠAS u Astanie, 4 lipienia 2024 hoda. Fota: Contributor Getty Images
Franak Viačorka ŭ čas dyskusii na fiestyvali «Tutaka» adznačyŭ, što siarod ekśpiertnaj supolnaści jość viersii, što Łukašenka čakaje, pakul zakončacca ŭsie vybarčyja kampanii — jeŭrapiejskija i amierykanskaja.
«Kali stanie viadoma, jak vyhladaje novaje kiraŭnictva Złučanych Štataŭ Amieryki, tady my daviedajemsia, kali adbuducca hetyja vybary».
Miarkujecca, što vybary-2025 praviaduć uzimku, kali składaniej arhanizavać pratesty.
Viačorka dadaŭ, što nie maje nijakich spadziavańniaŭ nakont taho, što vybary daduć novaje akno mahčymaściej.
Kamientary