Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova
U haziety «Mozyŕskij nieftiepierierabotčik» — novy hałoŭny redaktar. Jak vyśvietliŭ Fłahštok, zamiest Śviatłany Bohuš vydańnie ŭznačaliŭ Andrej Šyškin — sienatar, člen Savieta Respubliki.
Nahadajem, 10 lipienia dvaich supracoŭnikaŭ Mazyrskaha NPZ — pamočnika hiendyrektara Valeryja Bojšu i redaktara haziety Śviatłanu Bohuš zatrymali za «raspaŭsiud infarmacyjnaj pradukcyi», jakaja ŭniesienaja ŭ tak zvany «respublikanski śpis ekstremisckich materyjałaŭ», kudy ŭklučanyja niezaležnyja infarmacyjnyja resursy.
Praktyčna adrazu paśla hetaha Śviatłanu Bohuš zvolnili — u novym numary «MN», jaki vyjšaŭ nieŭzabavie, redaktaram užo paznačany Andrej Šyškin — były hałoŭny redaktar haziety Rahačoŭskaha rajvykankama. Hetaje vydańnie prykmietna bolš za inšych rajonak vypuskała prapahandysckija materyjały, pieradrukoŭvała publikacyi praŭładnych resursaŭ z abrazami apanientaŭ režymu.
Za heta rahačoŭskuju redakcyju pad kiraŭnictvam Šyškina nazyvali «režymnymi pacukami» — adpaviednaje hrafici źjaŭlałasia na budynku redakcyi.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary