Stali viadomyja novyja padrabiaznaści incydentu ŭ lesie ŭ Varšavie: piedafilii nie było, zatoje byŭ razboj
Niadaŭna paviedamlałasia, što ŭ Varšavie biełaruskija i ŭkrainskija padletki nibyta na žyŭca łavili piedafiła, a toj adbivaŭsia ad ich nažom. Vyhladaje, adnak, što ŭsio było nie zusim tak. Novyja padrabiaznaści bojki ŭ varšaŭskim lesie pryvodziać polskija miedyja, piša Most.
Na samaj spravie padletki ź Biełarusi i Ukrainy, jakija ciapier žyvuć u Varšavie, zadumali abrabavać 26-hadovaha mužčynu, hramadzianina Uźbiekistana. Dla hetaha 13-hadovaja biełaruska zavabiła jaho ŭ les pad nazvaj Brudnoŭski. U uźbieka, jaki pryjechaŭ na sustreču, pry sabie apynuŭsia nož, jakim jon, abaraniajučysia, paraniŭ dvuch ukrainskich padletkaŭ.
Pavodle źviestak vydańnia Fakt, biełaruska paznajomiłasia z mužčynam u adnym z dadatkaŭ dla znajomstvaŭ. Na 22 lipienia jana pryznačyła jamu sustreču ŭ Brudnoŭskim lesie, niedaloka ad handlovaha centra Atrium Targówek.
U hetym miescy achviaru čakali troje ŭkrainskich padletkaŭ — dvaim pa 15 hadoŭ, a adnamu 16. Jany papiarednie schavali niepadalok teleskapičnyja pałki i kišennyja nažy.
Kali mužčyna pryjechaŭ na sustreču, padletki nakinulisia na jaho z roznych bakoŭ i adabrali klučy ad mašyny dy telefon. Adnak u mužčyny byŭ pry sabie nož, abaraniajučysia jakim, jon nanios dvaim maładym ludziam kołata-rezanyja rany ruk, a adnamu ź ich — taksama dva ranieńni ŭ vobłaść rebraŭ. Na ščaście, lohkaje akazałasia nie prabita, ale padletka ŭsio ž pryjšłosia špitalizavać.
Padletki paśla taho z krykami stali raźbiahacca, uźbiek taksama pakinuŭ miesca zdareńnia. Adnak jahonyja asabistyja rečy zastalisia ŭ lesie. Śledčyja znajšli telefon, šapku, pačak cyharet i klučy ad kvatery.
Raniej paviedamlałasia, što mužčyna vypuściŭ rečy padčas bojki, adnak, vierahodna, usio heta pieršapačatkova adabrali padletki. Mužčynu vyličyli i zatrymali ciaham hadziny.
Palicyja vinavacić hramadzianina Uźbiekistana u pryčynieńni siaredniaj i lohkaj škody zdaroŭju, za heta złačynstva pahražaje da dvuch hadoŭ pazbaŭleńnia voli. Jon nie aryštavany, ale jamu zabaroniena pakidać Polšču, i ŭ dačynieńni da jaho ŭviedzieny palicejski nahlad.
Dapytaŭšy mužčynu i vyvučyŭšy dokazy, śledčyja pryniali rašeńnie zatrymać taksama padletkaŭ.
Pavodle źviestak vydańnia Gazeta Wyborcza, ich padazrajuć u razbojnym napadzie, a 13-hadovaja biełaruskaja dziaŭčynka pavinna budzie adkazać za dapamohu ŭ razboi. Na try miesiacy jaje źmiaścili ŭ moładzievy vychavaŭčy centr.
Darosłym za taki razbojny napad moža pahražać da 15 hadoŭ pazbaŭleńnia voli, albo da 20 hadoŭ, kali dla napadu vykarystoŭvajucca niebiaśpiečnyja pradmiety.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary