Końnica Volha Safronava, jakaja vystupaje za Polšču, na Alimpijadu znoŭ nie trapiła
Końnica Volha Safronava, jakaja paśla vymušanaha adjezdu ź Biełarusi stała vystupać za Polšču, prapuścić hulni ŭ Paryžy, piša «Lusterka».
![](http://nashaniva.com/img/w840d4webp1/photos/z_2024_07/olga_safronova_18102022_05-c0wba.jpg.webp)
«Jak viadoma, u siaredzinie červienia ja vykanała kvalifikacyjnyja patrabavańni dla ŭdziełu ŭ Alimpijskich hulniach. Pieršapačatkova mierkavałasia, što ŭ Francyju adpraviacca šeść par, jakija adabralisia, a ŭžo na miescy stanuć viadomyja try pary dla vystupaŭ. Ale mnie skazali, što ja nie jedu.
Na samaj spravie heta doŭhaja historyja, udavacca ŭ jakuju siońnia niama žadańnia. Kali koratka, to patłumačyli trenierskim rašeńniem. Tak, z końmi moža zdarycca ŭsialakaje, jość ryzyki pry transpartoŭcy, pavinny być i zapasnyja, ale voś pryniata takoje rašeńnie. Maŭlaŭ, akramia praviłaŭ isnuje i trenierskaja intuicyja.
Ja vyniesła ŭrok z hetaj situacyi … Nie fakt, što spaborničała b, ale ž trapiła ŭ pašyrany skład i ŭžo nastroiłasia na pajezdku na Alimpijadu. Jak by tam ni było, ja źbirajusia praciahvać vystupleńni i prykładu ŭsie siły, kab apynucca na nastupnych hulniach», — raskazała Safronava «Lusterku».
Heta druhaja Alimpijada, jakuju prapuścić spartsmienka. Raniej dvuchrazovaja čempijonka Biełarusi (2020, 2021), finalistka Kubka śvietu — 2019 Volha Safronava zavajavała licenziju na AH-2020 u Tokia, ale jaje nie puścili na hulni, spasłaŭšysia na zaklučeńnie vieterynarnaj kamisii.
Nieŭzabavie biełaruska, jakaja padpisała list za novyja vybary i suprać hvałtu paśla žniŭnia 2020 hoda, pajechała žyć u Polšču. Kab pačać spaborničać za hetuju krainu, Safronavaj pryjšłosia adbyvać dvuchhadovy karancin. U 2023 hodzie jana stała srebnaj miedalistkaj čempijanatu Polščy — heta byŭ jaje pieršy miedal pad ściaham novaj krainy.
Na cyrymonii adkryćcia Alimpijskich hulniaŭ dyktar pierabłytaŭ dźvie Karei. Zapachła mižnarodnym skandałam
Sacsietki vybuchnuli paśla sprečnaha epizodu na adkryćci Alimpijskich hulniaŭ
Zavajavany pieršy załaty miedal Alimpijady
Jašče adzin z zapaminalnych momantaŭ adkryćcia Alimpijady: vykanańnie hienijalnaj Imagine na achoplenym ahniom rajali VIDEA
Kamientary