8 lutaha spoŭniŭsia hod z dnia aryštu vaŭkavyskich pradprymalnikaŭ Mikałaja Aŭtuchoviča, Juryja Lavonava i Uładzimira Asipienki.
8 lutaha spaŭniajecca hod, jak za kratami znachodziacca viaźni sumleńnia Mikałaj Aŭtuchovič i Uładzimir Asipienka.
Aryštoŭvać ich na Hrodzienščynu pryjechała hrupa apieratyŭnaha reahavańnia «Ałmaz». Mikałaja Aŭtuchoviča, a taksama Juryja Lavonava i Uładzimira Asipienku schapili i źmiaścili ŭ minskaje SIZA na Vaładarskaha.
Spačatku jany prachodzili pa kryminalnaj spravie ab padpałach damoŭ miascovych milicyjanta i padatkavika. Padpały adbylisia niekalki hadoŭ tamu, pa spravach jość asudžanyja, jakija znachodziacca ŭ turmie. Bližej da leta stała viadoma, što vaŭkavyscam «šyjuć» jašče i teraryzm.
Aŭtuchoviča abvinavacili ŭ padrychtoŭcy teraktu suprać tahačasnaha staršyni Hrodzienskaha abłvykankama Uładzimira Saŭčanki,
a taksama namieśnika ministra pa padatkach i zborach Vasila Kamianko. Pa čutkach, u turmu da Aŭtuchoviča asabista prychodziŭ Saŭčanka, jaki abiacaŭ «zhnaić» pradprymalnika.
U žniŭni 2009 hoda na volu niečakana vypuścili Juryja Lavonava. U kastryčniku ź jaho źniali ŭsie abvinavačvańni. Źjaviłasia aściarožnaja nadzieja, što śledam vyjduć i astatnija. Nie. Čaho kryvić dušoj: mnohija padumali, što Lavonaŭ moh śviedčyć suprać tavaryšaŭ. Ale jon kateharyčna abviarhaje takija čutki. «Ja nie pradavaŭsia miantam», — hrubavata kaža Lavonaŭ.
Aŭtuchovič kaža, što jaho «pasadka» — pomsta miascovych čynoŭnikaŭ za jaho antykarupcyjnuju dziejnaść. Za čas znachodžańnia ŭ turmie jon pravioŭ rekordnuju 90‑dzionnuju haładoŭku, patrabujučy źmianić jamu mieru strymańnia. Trymaŭsia tolki dziakujučy hlukozavym kropielnicam u turemnaj balnicy. Ciapier u Aŭtuchoviča surjoznyja prablemy z zubami. Miedyčnaj dapamohi jon nie maje.
Advakat Pavieł Sapiełka nastojvaje na spynieńni kryminalnaj spravy, ale jaho prapanovy adchilajucca. U studzieni mižnarodnaja pravaabarončaja arhanizacyja Human Rights Watch pryznała Aŭtuchoviča, Lavonava i Asipienku viaźniami sumleńnia. U krainie i za miažoj prachodziać akcyi salidarnaści z aryštavanymi.
Ministr unutranych spravaŭ Anatol Kulašoŭ paviedamiŭ, što sprava vaŭkavyscaŭ budzie razhladacca ŭ Viarchoŭnym sudzie ŭ adkrytym režymie.
«Kali b nie było dastatkova dokazaŭ, to nichto b nie ŭziaŭ na siabie śmiełaść pieradavać spravu ŭ sud», — ličyć A.Kulašoŭ.
Kali pačniecca razhlad spravy — nieviadoma. Utrymańnie pad vartaj Aŭtuchoviča i Asipienki padoŭžana da kanca lutaha.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami38
Kamientary