Ci pojdzie biełaruski chłopiec na pieršaje spatkańnie ź nieznajomkaj u restaran, kali jana choča sama apłacić rachunak?
Tyktok-błohierka vyrašyła pravieści sacyjalny ekśpierymient i pačała pieršaj pisać chłopcam u dadatku dla anłajn-znajomstvaŭ. Dziaŭčyna nie prosta prapanoŭvała razam schadzić u restaran, a jašče i abiacała apłacić viačeru. Jak dumajecie, pahadzilisia?
![](http://nashaniva.com/img/w840d4webp1/photos/z_2024_07/-d84x6-kg2vd.jpg.webp)
Niaredka možna pačuć paproki ad mužčyn, byccam dziaŭčaty časta chodziać na spatkańni, tolki kab smačna paviačerać u šykoŭnym restaranie. Dla hetaj źjavy navat prydumali nie vielmi pryhožaje aznačeńnie — «taleračnica».
A što budzie, kali sama dziaŭčyna prapanuje zapłacić za sumiesnuju viačeru? Pravieryć heta vyrašyła tyktok-błohierka ź Minska, jakaja viadzie błoh pad nikam lena_kozulya.
Jana dasłała roznym chłopcam u mabilnym dadatku dla znajomstvaŭ Twinby (rasijski varyjant tyndaru) adno i toje ž paviedamleńnie: «Pryvitańnie. Liču, što nam prosta nieabchodna paviačerać razam. U restaran pojdziem? Ja častuju».
I voś što atrymałasia. Z dvanaccaci chłopcaŭ pałova pahadziłasia na sustreču, ale jany adznačyli, što płacić pavinien mužčyna, tamu sami zakryjuć rachunak. Niechta navat pryznaŭsia, što paśla takoj prapanovy ad dziaŭčyny pačyrvanieŭ.
![](http://nashaniva.com/img/w732d4webp1/photos/z_2024_07/4-ttc9s.jpg.webp)
Adzin z kavaleraŭ adznačyŭ, što ciapier znachodzicca ŭ Sankt-Pieciarburhu, tamu dziaŭčynie spačatku treba pieraadoleć bolš za 700 kiłamietraŭ pamiž Minskam i paŭnočnaj stalicaj Rasii, a dalej jon raźbiarecca.
![](http://nashaniva.com/img/w732d4webp1/photos/z_2024_07/1-oazl0.jpg.webp)
Błohierka pisała chłopcam pasiarod nočy, tamu ŭ kahości ŭźnikli sumnievy nakont taho, ci dastatkova ćviarozaja ciapier dziaŭčyna. «U dźvie hadziny nočy takaja prapanova bolš padobnaja da sacyjalnaha ekśpierymientu ci adsutnaści ćviarozaści. Ale kali ranicaj płany nie pamianiajucca, to pojdziem viačerać. Restaran užo abrany ci heta abmiarkoŭvajecca?» — udakładniŭ jašče adzin ź virtualnych surazmoŭcaŭ.
![](http://nashaniva.com/img/w732d4webp1/photos/z_2024_07/3-nvt9w.jpg.webp)
Astatnija čatyry pahadzilisia na prapanovu. Adzin ź ich udakładniŭ, ci nie apłacić dziaŭčyna zaadno i jaho kamunałku. A jašče adzin napisaŭ, što ličyć restaran nie samym lepšym miescam dla pieršaj sustrečy: «Ja addaju pieravahu šaŭrmie ŭ Taćciany, ale hetaje miesca tolki dla abranych».
![](http://nashaniva.com/img/w732d4webp1/photos/z_2024_07/2-lnmig.jpg.webp)
Mienš čym za sutki rolik nabraŭ kala 370 tysiač prahladaŭ i bolš za 15 tysiač łajkaŭ.
«Vaj, ty mianie skaryła!» Žurnalistka «Našaj Nivy» prateściravała rasijski anałah Tinder
Ź jakoj dziaŭčynaj chłopcy bolš achvotna paznajomiacca? Psichałahinia ź Minska praviała ekśpierymient na miljony prahladaŭ
Telehram zapuściŭ servis znajomstvaŭ
«Kali ja mahu dazvolić sabie ŭ 2 hadziny dnia pić kavu ŭ restaranie, značyć chtości mianie zabiaśpiečvaje». Minskaja łedzi razdaje parady mužčynam
Kamientary