U Biełarusi zatrymali čatyroch maładych ludziej z Łatvii, paviedamiła Ministerstva zamiežnych spraŭ hetaj krainy. U MZS paviedamili, što patelefanavali svajaki maładych ludziej i paviedamili pra zatrymańnie. Infarmacyja ad aficyjnych uładaŭ ciapier udakładniajecca, piša Delfi.lv.
Zhodna ź videa, raźmieščanym u sacyjalnych sietkach, maładyja ludzi pryjechali ŭ Biełaruś na fiestyval «Viva Brasłaŭ». U mašynie nibyta była vyjaŭlenaja marychuana, i ŭsie čaćviora byli zatrymanyja.
Łatvijskaje MZS i raniej nastojliva rekamiendavała ŭstrymacca ad pajezdak u Biełaruś, a ciapier hetuju rekamiendacyju jašče raz paŭtaryła. Pavodle jaho, padarožniki ŭ Biełarusi mohuć padvierhnucca pravakacyjam z boku miascovych śpiecsłužbaŭ, być iłžyva abvinavačanymi ŭ parušeńni biełaruskaha zakanadaŭstva i ŭ vyniku aryštavanyja. Miž tym mahčymaści Łatvii pa akazańni dapamohi takim ludziam vielmi abmiežavanyja.
«Piakielnaje śviata vyjšła. Z achviaraprynašeńniem». Žychary Vałožyna paviedamlajuć pra raspravu nad katami i sabakami8
Kamientary