Vielizarnyja čerhi, pravierka hrošaj u Litvie i transpartnaja inśpiekcyja ŭ Biełarusi. Kolki času ciapier zajmaje prachodžańnie miažy
Apošnimi dniami zaŭvažna ŭskładniłasia situacyja z čerhami na miažy. Pahladzieli, što tam adbyvajecca.
Litva. «Kamienny Łoh»
Trend apošnich dzion — čerhi z aŭtobusaŭ na vyjezd ź Biełarusi. Na punkcie propusku «Kamienny Łoh» pa stanie na 12 hadzin piatnicy vyjezdu ź Biełarusi ŭ Litvu čakajuć 11 aŭtobusaŭ. Pieršaha žniŭnia byŭ pastaŭleny rekord, kali vyjezdu čakali 14 aŭtobusaŭ.
Kali jašče adnosna niadaŭna dabracca ź Minska ŭ Vilniu možna było za 6-8 hadzin, to ciapier takija terminy stali niemahčymymi. Padarožnik, jaki ŭčora jechaŭ aŭtobusam ź Minska, dabraŭsia da Vilni za 14 hadzin.
Praz uzrosły čas čakańnia na miažy niekatoryja aŭtobusy adpraŭlajucca ź Vilni ŭ Minsk sa šmatčasovymi zatrymkami.
Tak, naprykład, aŭtobus, jaki zhodna z raskładam musiŭ vyjechać ź Vilni ŭ čaćvier a 18:45, adpraviŭsia ŭ bok Minska tolki a 4:20 nočy piatnicy. U 12 hadzin dnia hety aŭtobus prachodziŭ kantrol na litoŭskim baku. U vyniku sam šlach ź Vilni da Minska zajmaje bolš za 10 hadzin, jašče kala 10 hadzin — zatrymka adpraŭleńnia ź Litvy.
U kirunku Minsk-Vilnia ruch jašče bolš pavolny. Aŭtobus, jaki vyjechaŭ ź Minska siońnia a 00:15, tolki praz 11,5 hadziny dabraŭsia da zajezdu na terytoryju punktu propusku «Kamienny Łoh».
Aŭtobus, jaki vyjechaŭ ź Minska a 19-j viečara čaćviarha, pierasiek miažu tolki a 13-j hadzinie piatnicy. U vyniku, kab prajechać krychu mienš za 200 kiłamietraŭ, aŭtobusu spatrebiłasia kala 19 hadzin.
Padarožniki adznačajuć, što kala 10 ranicy na miažu pryjechała transpartnaja inśpiekcyja, jakaja pačała praviarać u pasažyraŭ bilety.
Pasažyry miarkujuć, što takim čynam zmahajucca z tym, kab ludzi nie pierasadžvalisia ŭ pieršyja aŭtobusy, kali ŭ ich jość volnyja miescy.
«Bieniakoni»
Situacyja z aŭtobusami ŭ punkcie propusku «Bieniakoni» adroźnivajecca.
Tam čerhi z aŭtobusaŭ adsutničajuć. Jak i raniej, z Hrodna da Vilni možna dabracca za 5-6,5 hadziny. Ale tut jość svaje niuansy: praz toje, što z Hrodna ŭ Vilniu ciapier chodziać tolki 4 aŭtobusy ciaham sutak, bilety treba kuplać za 3-4 tydni da pajezdki.
U Minsku prablem ź biletami niama, ale jość prablema z čerhami.
Kali vieryć paviedamleńniam z admysłovych čataŭ, siońnia ranicaj pry vyjeździe aŭtobusa ź Litvy litoŭskaja mytnia vyrašyła pravieryć, kolki hrošaj pravoziać pasažyry. Hladzieli, kab u Biełaruś vieźli nie bolš za 60 jeŭra najaŭnymi. Nibyta 10 čałaviek z aŭtobusa z-za hetaha vysadzili i nie vypuścili ź Litvy.
Padrabiaźniej pra normy vyvazu valuty ź ES u Biełaruś možna pračytać tut.
Polšča
Na polskim kirunku čarha z aŭtobusaŭ daŭno stała normaj.
Z Polščy ŭ Biełaruś aŭtobusy prachodziać miažu apošnimi dniami pryblizna za 11-12 hadzin. Ź Biełarusi ŭ Polšču prachodžańnie miažy na aŭtobusie zajmaje ad 18 da 30 hadzin.
Pa stanie na 12 hadzin piatnicy, u čarzie pierad punktam propusku «Brest» staić 54 aŭtobusy. Na piku, a 8-j hadzinie ranicy, było pad 70 aŭtobusaŭ.
Čerhi z aŭtamabilaŭ zastajucca stabilna vysokimi
U čarzie na punkcie propusku «Kamienny Łoh» staić kala 210 lehkavikoŭ, na «Bieniakoniach» — kala 180.
Najbolšaja čarha ŭ «Breście». Tam vyjezdu ź Biełarusi pa stanie na 12 hadzin piatnicy čakajuć bolš za 600 lehkavikoŭ. I heta, padobna, čarhovy antyrekord.
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»4
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja1919
Kamientary