Pamiežnyja čaty: «Litva ŭviała abmiežavańni na vyvaz jeŭra ŭ Biełaruś». Tłumačym situacyju
Ad učora ŭ pamiežnych čatach aktyŭna abmiarkoŭvać abmiežavańni na vyvaz jeŭra ź Litvy ŭ Biełaruś. Razabralisia, ci niešta źmianiłasia.
Nie bolš za 60 jeŭra na vyvaz?
Niekatoryja karystalniki pamiežnych čataŭ picali, što nibyta z paniadziełka 22 lipienia Litva ŭvodzić bolš strohija praviły pa vyvazie jeŭra ŭ Biełaruś. Maŭlaŭ, vyvieźci ź Litvy ŭ Biełaruś možna nie bolš za 60 jeŭra. Praz heta pytańnie valutnych abmiežavańniaŭ stała papularnym u pamiežnych čatach.
Na spravie nijakich novych abmiežavańniaŭ z 22 lipienia Litva nie ŭvodziła, ale heta nie aznačaje, što ich nie isnuje. Vyvozić ź Jeŭrasajuza jeŭra, polskija złotyja, češskija krony i inšyja valuty krain ES u Biełaruś zabaranili jašče kala dvuch hadoŭ tamu. Vyklučeńnie — suma, nieabchodnaja hramadzianam dla asabistych patreb pad čas kankretnaha padarožža.
Pry hetym, rehłamient ES nie praduhledžvaje, jakoj moža być taja suma, jakuju možna ličyć nieabchodnaj dla kankretnaj pajezdki.
Adsutnaść kankretyki daje mahčymaść prymać ułasnyja rašeńni adnosna maksimalnaj sumy nie tolki kožnaj krainie ES asobna, ale i kankretnamu supracoŭniku mytni.
Ahučanyja ŭ čatach abmiežavańni ŭ 60 jeŭra mohuć być nie bolš čym niehałosnym praviłam abo razumieńniem kankretnaha mytnika.
Niekatoryja ŭdzielniki abmierkavańniaŭ adznačajuć, što abmiežavańni ŭ 60 jeŭra na vyvaz dziejničajuć u Łatvii.
Što na praktycy?
Niahledziačy na peŭnuju paniku ŭ čatach i adsutnaść kankretyki ŭ zakanadaŭstvie, na spravie ničoha nie źmianiłasia. Ludzi, jakija 22 lipienia viartalisia ź Litvy ŭ Biełaruś, kažuć, što nijakich źmien nie adčuli. Mnohija padarožniki śćviardžajuć, što pry vyjeździe ź Litvy ni litoŭskija mytniki, ni pahraničniki nie cikavilisia tym, kolki hrošaj čałaviek maje pry sabie.
Tym nie mienš, pakolki abmiežavańni sapraŭdy isnujuć, mytniki rajać nie ryzykavać i pry najaŭnaści adnoj z valut ES (nie tolki jeŭra) abmieńvać ich na inšyja valuty. Naprykład, dalary ZŠA, funty sterlinhaŭ abo šviejcarskija franki. U adnosinach da hetych valut nijakich novych abmiežavańniaŭ niama. Jak i raniej, biez dekłaracyi možna vieźci sumu, jakaja ŭ ekvivalencie nie pieravyšaje 10 tysiač dalaraŭ ZŠA.
«Nu dzie ž ja moh sustreć kłasnaha kiraŭnika? U kamiery mahiloŭskaha SIZA! A zatrymali jaho praz naš čat vypusknikoŭ»4
Kamientary
Boža, što za "miedyja". Vypraŭlać budziecie, panovie žurnalisty?
Taki kompleks niepaŭnavartaści ŭ našych letuviskich susiedziaŭ, što navat voś hetaja kropielka ŭłady pieraŭtvarajecca ŭ marazm, savok i kanclahier.
Maleńkija starajucca adpomścić za ŭsich svaich chaŭruśnikaŭ: i za Brusel, i za Kijeŭ, i za Vašynhton, i za Tajvań, i za Vitaŭtasa.
Trymajcie ich siamiora!)
Prapanuju nastupnym krokam
- Uzvažvać ludziej pry ŭjeździe i nie prapuskać nazad, kali jany nabrali bolš za 1 kilahram.
- Źlivać salarku z bakaŭ, kab zastavałasia tolki da bližejšaj zapraŭki u RB.
- Taryf ch10 za prajezd pa daroham.