Jak pabracca šlubam z zornym futbalistam? Žonka Alaksandra Hleba raspaviała, jak nastojliva dabivałasia jaho
Śviatłana Hleb, žonka lehiendy biełaruskaha futboła Alaksandra Hleba, vyrašyła raspavieści ŭ instahramie, jak zavajoŭvała adnaho z samych zajzdrosnych žanichoŭ Biełarusi. Spojler: nijakaha seksu na pieršym spatkańni.
![](http://nashaniva.com/img/w840d4webp1/photos/z_2024_08/-ijrru.jpg.webp)
Śviatłana aktyŭna viadzie instahram i maje kala 97 tysiač padpisčykaŭ. Historyja kachańnia pačałasia ŭ 2015 hodzie — mienavita tady siabroŭka Śviatłany prapanavała paznajomić jaje z Alaksandram Hlebam.
U toj momant u abaich užo byŭ vopyt nie vielmi ŭdałych adnosin. Śviatłana adna hadavała dačku Anastasiju. U Alaksandra ŭ 2014 raspaŭsia šlub z seksualnaj śpiavačkaj hurta «Toples» Anastasijaj Kasiankovaj. Siamja praisnavała kala siami hadoŭ, dziaciej u šlubie nie źjaviłasia. Platkary kazali, što Alaksandr maryŭ pra žonku, jakaja budzie naradžać dziaciej i varyć barščy, a artystku złavała rola dadatku da zornaha futbalista.
![](http://nashaniva.com/img/w732d4webp1/photos/z_2024_08/-1nbez.jpg.webp)
Śviatłana z entuzijazmam pahadziłasia na prapanovu siabroŭki, bo «była absalutna svabodnaj dziaŭčynaj, jakaja bolš za ŭsio na śviecie maryła sustreć kachańnie». Jana ščyra pryznajecca, što tady nie cikaviłasia futbołam, zatoje vielmi cikaviłasia «lehiendaj biełaruskaha futboła» Alaksandram Hlebam.
Žančyna pisała ŭ adnym sa svaich pastoŭ, što viedała pra jaho minułuju siamju i navat była zasmučanaja, kali pračytała ŭ ŚMI pra toje, što Alaksandr Hleb razyšoŭsia z žonkaj.
— Samaje cikavaje, adnojčy my lacieli ź im u adnym samalocie. I jašče ŭ aeraporcie ja źviarnuła na jaho ŭvahu. Mianie pryjemna ŭraziŭ momant, kali da jaho padychodzili ŭsio fatahrafavacca, jon z uśmieškaj na tvary heta rabiŭ. A potym vielmi ścipła siadzieŭ u kiepačcy i miła ŭśmichaŭsia.
Atrymaŭšy zhodu, siabroŭka Śviatłany pačała aktyŭna dziejničać. Jana dasłała futbalistu foty Śviatłany — Alaksandru jany spadabalisia, i jon adkazaŭ, što hatovy paznajomicca z hetaj dziaŭčynaj.
Tady Hleb hulaŭ u Turcyi i arhanizavać realnaje spatkańnie było składana. Śviatłana vyrašyła čakać, kali futbalist vierniecca na radzimu. Ale nie vytrymała i napisała jamu vinšavańni z dniom naradžeńnia — zakruciłasia aktyŭnaja anłajn-pieraśpiska.
Dla pieršaj sustrečy ŭ Minsku (dzie była jašče taja samaja siabroŭka z chłopcam) źniali zakrytuju zału ŭ «Sportynh kłubie». Śviatłana apisvaje Alaksandra jak čałavieka-śviata, jaki šmat žartavaŭ i artystyčna raspaviadaŭ roznyja historyi. A kali kampanija vyjšła na vulicu, to pabačyła śpievaka Alaksandra Razienbaŭma, jaki sam paprasiŭ u Alaksandra sfatahrafavacca ź im.
![](http://nashaniva.com/img/w732d4webp1/photos/z_2024_08/-zbjph.jpg.webp)
Usio heta vielmi ŭraziła Śviatłanu. A kali siabry taktoŭna źnikli, futbalist-łaviełas pacałavaŭ dziaŭčynu i prapanavaŭ pajechać da jaho dadomu, paabiacaŭšy, što «ničoha nie budzie».
— I voś tut ja adkazała kateharyčnaj admovaj. Dla siabie ja zrazumieła adno praviła i rekamienduju jaho ŭsim dziaŭčatam! «Zabaronieny płod zaŭsiody sałodki!». Pamiatajcie pra heta.
U storys Śviatłana ščyra kaža, što nie viedaje, ci zakachałasia b u Hleba, kali b jon byŭ nie viadomym futbalistam, a prostym santechnikam. I sama ž pryznaje, što całkam mahčyma, što nie.
— Ale ŭ Sašy nierealnaja charyzma, jakaja začaroŭvaje. U toj momant ja zakachałasia ŭ Sašu-futbalista.
![](http://nashaniva.com/img/w732d4webp1/photos/z_2024_08/-r9xpl.jpg.webp)
Błohierka bažycca, što inicyjatyva išła ad Alaksandra — jon akazvaŭ pieršyja znaki ŭvahi i pieryjadyčna daryŭ kvietki. A joj chaciełasia rabić niešta pryjemnaje dla futbalista. Jana to dasyłała jamu z ranicy miłyja kałažy, to rabiła ŭ kramie z butelek «Koka Koły» nadpisy «Saša Hleb klovy spartoviec» abo «Saša Hleb novych pieramoh, spartoviec-čempijon» (pamiatajecie, byŭ pieryjad, kali na etykietkach drukavali roznyja imiony i słovy-matyvatary?)
![](http://nashaniva.com/img/w732d4webp1/photos/z_2024_08/-fbp12.jpg.webp)
Śviatłana navat pryśviačała kachanamu vieršy, jakija potym ahučvaŭ mulciašny zajac:
— S nieba tučki prohoniu,
Sołncie śvietit s utriečka.
I pobiedy tvojej ždu.
Saša Hleb, ty — umnička.
Taksama dziaŭčyna zapisvała videa, na jakich u karotkich šorcikach tančyć z pamponami i žadaje futbalistu pieramohi.
Niahledziačy na ŭsie starańni Śviatłany, Alaksandr nie śpiašaŭsia skazać joj try zapaviednyja słovy «Ja ciabie kachaju». Dapamahła jamu raskazać pra svaje pačućci inšaja dziaŭčyna.
Śviatłana i Alaksandr pajechali ź siabrami ŭ karaokie, a tam futbalist niečakana sustreŭ byłuju salistku hurta «Toples» — vielmi efiektnuju pryhažuniu (vierahodna, havorka idzie pra byłuju žonku Hleba).
Całkam zrazumieła, što novaja abrańnica pryraŭnavała. A kali kachany viarnuŭsia, to ŭsim svaim vyhladam pakazvała, jak niezadavolenaja takimi pavodzinami. I voś mienavita ŭ momant biaskoncaj kryŭdy Alaksandr Hleb vyrašyŭ skazać pra kachańnie.
Śviatłana vielmi radavałasia, kali Alaksandr upieršyniu zapościŭ u svaich sacsietkach ich ahulnaje fota.
Niekatoryja padpisčycy napisali Śviatłanie, što zaŭsiody dumali, što heta mužčyna pavinien zavajoŭvać žančynu. Na što jana adkazała:
— Ja liču, što my taksama musim akazvać uvahu mužčynam. Rabić kamplimienty i zachaplacca. A nie prosta siadzieć i čakać, pakul nas zavajujuć. Ździŭlać, ładzić siurpryzy. Zaraz niechta skaža, što nichto nikomu ničoha nie vinien. Ja z hetym nie zhodna. Bieražycie svajo ščaście i pamiatajcie, što siamja — heta štodzionnaja praca! Nie zabyvajcie pra heta! Idzicie adno da adnaho nasustrač. A časam zrabicie pieršy krok, kali spatrebicca. I budzie vam ščaście.
![](http://nashaniva.com/img/w732d4webp1/photos/z_2024_08/-akgup.jpg.webp)
Mabyć, žančyna viedaje, pra što havoryć. Bo praź piać miesiacaŭ paśla sustrečy Alaksandr Hleb skazaŭ Śviatłanie, što nikoli bolš nie aženicca. A ŭžo ŭ 2016 hodzie para pajšła ŭ ZAHS. Ciapier u pary jość dźvie ahulnyja dački i navat unuk — starejšaja dačka Śviatłany pabrałasia šlubam z futbalistam Uładzisłavam Klimovičam i naradziła chłopčyka. Śviatłana vielmi hanarycca tym, što jana maładaja i pryhožaja babula.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary