«Usio idealna čysta». Žonka Alaksandra Hleba raskazała, čym joj padabajecca Dubaj
Niadaŭna Alaksandr i Śviatłana Hleby ź dziećmi praviali nievialiki adpačynak u Abjadnanych Arabskich Emiratach, pra što žonka kolišniaha viadomaha futbalista raskazała na svajoj staroncy ŭ instahramie.
Pavodle dopisu Śviatłany Hleb, jany jeździać siamjoj u adno i toje ž miesca «ŭžo niekalki hadoŭ», choć pieršy raz jana trapiła ŭ Dubaj tolki letaś, u listapadzie 2022-ha.
«Heta było kachańnie ź pieršaha pohladu! Ja čakała, što ŭbaču pryhožy horad, ale mianie ŭraziła pryhažość horada z malunka, skažam tak! Usio idealna čysta. U mianie było zachapleńnie», — napisała žančyna.
Spadabaŭsia joj u Dubai klimat, bo jon «našaj vosieńniu prosta zachapleńnie»:
«Hetym razam mora asabliva ciopłaje! Dla mianie idealnaje. Ja — miarźlačka, i mnie vielmi składana pieraadoleć barjer pry ŭvachodzie ŭ prachałodnuju vadu, 26-27 hradusaŭ heta ŭžo nie majo. Ciapier ža vielmi kamfortna, vada 31-32, a tempieratura pavietra dniom 33. Idealna!»
Nie biantežyła žančynu i toje, što, na dumku mnohich, «u Dubai mała zielaniny, jaho nazyvajuć kamiennymi džunhlami». Hety fakt Śviatłanu Hleb, naadvarot, raduje, «bo mienavita tut my zabyvajem, što takoje alerhija, nasmark i čychi pa ranicach».
Da taho ž, u adroźnieńnie ad Turcyi i Jehipta, «tut niama nadakučlivych kamaroŭ, nasiakomych, amal niama much, i mnie heta padabajecca».
Siamja Hlebaŭ žyła ŭ Dubai ŭ hateli Hilton Dubai Jumeirah & Hilton Dubai The Walk. Kankretnych ličbaŭ, u kolki abyšoŭsia hetym razam siamiejny adpačynak, jana nazyvać nie stała, ale, pa jaje słovach, heta «tańniej, čym adpačynak na Maldyvach u dobrym hateli na dvaich…»
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary
Pra pył ničoha nie čuli? Jaho tam da chalery i trošku amal uvieś hod. Pavietra jak i na Kipre tak sabie