Siaredniaja škoła ŭ Batumi abviaściła nabor u biełaruskija kłasy
Idzie nabor uva ŭsie kłasy — z 1-ha pa 12-y, piša «Svaboda».
Paŭnavartasnuju siaredniuju adukacyju na biełaruskaj movie možna atrymać u hruzinskim Batumi. Na bazie hruzinska-francuzskaj škoły stvoranyja kłasy ź biełaruskaj movaj navučańnia. Vyvučajuć francuzskuju i anhielskuju movy, a na hruzinskaj i biełaruskaj adbyvajecca asnoŭnaje navučańnie.
Apłata składzie $300 na miesiac, jeść źnižki, adznačyła škoła ŭ abviestcy.
Usie padrabiaznaści i zapis praz telefon +995 599 635 195, Aksana albo ŭ telehramie @aksiarodak.
Sustreča z usimi zacikaŭlenymi adbudziecca ŭ niadzielu, 11 žniŭnia, 19.00, pad adrasam vuł. Cara Parnavaza, 60 (62a), paviedamiła škoła ŭ svaim telehram-kanale. Padavać dakumenty treba ŭ paniadziełak, 12 žniŭnia, z 12.00 da 14.00 pad adrasam vuł. Hrybajedava, 67.
Biełaruskaja škołka na bazie šmatfunkcyjanalnaj prastory «aKsiarodak» adkryłasia jašče ŭ 2022 hodzie. Spačatku ŭ prastory prachodzili roznyja zaniatki: śpievy i malavańnie dla dziaciej, siamiejnyja kinapakazy, kulinaryja.
Paźniej dzieci biełarusaŭ u Batumi atrymali mahčymaść vučycca pavodle takoj sistemy: try dni na tydzień u biełaruskamoŭnaj škołcy na bazie prastory «aKsiarodak», jašče dva dni — u hruzinska-francuzskaj škole. U kancy jany zmohuć atrymać hruzinski atestat.
Pieršyja pradmiety, jakija stali vykładać u škole, — biełaruskaja mova i litaratura, matematyka, pryrodaznaŭčyja pradmiety (hieahrafija, bijałohija).
Apazicyja prapanuje hałasavać suprać usich, ale dapuskaje źmienu taktyki bližej da vybaraŭ30
Apazicyja prapanuje hałasavać suprać usich, ale dapuskaje źmienu taktyki bližej da vybaraŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3737
Kamientary