Z uvachodu ŭ Čyrvony kaścioł źnikła apiačatvańnie. Niešta adbyvajecca?
Pa śviežych zdymkach turystaŭ u sacsietkach vydańnie Katolik.life zaŭvažyła, što ź dźviarej zakrytaha ŭžo amal dva hady Čyrvonaha kaścioła ŭ Minsku źnik dakumient ab tym, što budynak chrama apiačatany. Kali na fota ad 11 žniŭnia ŭvachod u kaścioł jašče byŭ apiačatany, to na zdymkach ad 12 žniŭnia — užo nie.
![Z uvachodu ŭ Čyrvony kaścioł źnikła apiačatvańnie. Niešta adbyvajecca?](http://nashaniva.com/img/w840d4webp1/photos/z_2024_08/58ae20e9f6cee7ffa44f98dc80bfb545_xl-jzeu5.jpg.webp)
Heta adbyłosia praz dva tydni paśla źmieny probašča parafii Śviatoha Symona i Śviatoj Aleny, jakaja raźmiaščałasia ŭ Čyrvonym kaściole. Tamu źniaćcie apiačatvańnie mahło być uspryniata jak pačatak doŭhačakanych rabot u chramie, jakija anansavali ŭłady i paśla zaviaršeńnia jakich abiacali znoŭ adkryć kaścioł. Vierniki ličać, što adnoj z umoŭ hetaha była źmiena probašča.
Adnak pakul usio zastajecca bieź źmienaŭ. Jak raskazali parafijanie, nijakaj dziejnaści ŭ chramie nie nazirajecca, a ŭsie astatnija dźviery kaścioła zastajucca apiačatanymi. Parafijanie miarkujuć, što piačatku z hałoŭnaha ŭvachodu chtości sarvaŭ pa nieviadomych matyvach, jak heta ŭžo było raniej u studzieni.
Nijakaj aficyjnaj infarmacyi pra pačatak rabot u chramie pa-raniejšamu niama.
«Niapraŭda aburaje». Vierniki raskazali, što nie tak sa zvalnieńniem probašča Čyrvonaha kaścioła
Na raźvitańni z ksiandzom Zavalniukom adklučyli tranślacyju. Što tam było?
Ksiondz Uładzisłaŭ Zavalniuk bolš nie probašč Čyrvonaha kaścioła
Bieź śviatła, vady i chrama žyvie ŭ Minsku Kapiełan Papy Rymskaha
U Minharvykankamie raskazali, kali adnović dziejnaść Čyrvony kaścioł
Kamientary