Biahucha Kryścina Cimanoŭskaja źbirajecca ŭ ZŠA, tamu pazbaŭlajecca ad mnohich rečaŭ. U tym liku i ad darahoha padarunka, piša «Trybuna».

Biahucha kaža, što płanuje minimum na paŭhoda zatrymacca ŭ ZŠA, prapuścić zimovy spabornicki siezon, a potym, mahčyma, adabracca na ČS-2025 — choć, jak skazała spartsmienka, u jaje ŭźnikajuć dumki skončyć karjeru i adčuvańnie, što jana «zanadta doŭha ŭ sporcie». Miescam žyćcia ŭ ZŠA Cimanoŭskaja vybrała Fłarydu, ciopły štat, dzie daŭno asieli biełaruskija tenisistki Viktoryja Azaranka i Aryna Sabalenka.
Z nahody pierajezdu Cimanoŭskaja ładzić tatalny rasprodaž rečaŭ. Samy darahi łot ad Cimanoŭskaj — Audi A5. Biahucha choča pradać mašynu 2019 hoda vypusku za 140 tysiač złotych — bolš za 35 tysiač dalaraŭ. Hetuju Audi joj padaryŭ u lipieni 2023-ha tady jašče muž Arsień Zdanievič na šaścihodździe šlubu. Cimanoŭskaja nazyvała aŭto svajoj maraj.
Abjava pra prodaž Audi A5. Fota: storys instahrama Cimanoŭskaj
Ale nieŭzabavie Cimanoŭskaja rasstałasia z mužam. Pryčynaj spartoŭka nazvała jaho zdrady.
Ciapier u spartoŭki inšyja adnosiny — adrazu paśla rastavańnia z mužam jana palacieła na adpačynak u Hrecyju, tam paznajomiłasia z ukraincam Alaksandram Sałonskim, i kurortny raman pieraros u paŭnavartasnaje sužyćcio. U ZŠA para źbirajecca razam — jak zhadvała biahucha, u jaje bojfrenda jość hrynkarta.
-
Trenier, jaki pryvioŭ kłub da srebra ŭ čempijanacie Biełarusi, budzie treniravać kamandu ź piataha dyvizijona pieršynstva Polščy
-
Forvard minskaha «Dynama» Dyłan Dziube i jašče čatyry chakieisty pryznanyja nievinavatymi pa spravie ab seksualnym hvałcie
-
Hałoŭny trenier «Niomana» vykanaŭ dziŭny taniec paśla pieramohi ŭ matčy Lihi kanfierencyj
Kamientary