U Šarkaŭščynskim rajonie da statka karoŭ prybiŭsia zubr VIDEA
U tyktok trapiła videa, jakoje, jak paviedamlajecca, było źniata ŭ vioscy Škunciki Šarkaŭščynskaha rajona. Na im biažyć statak karoŭ, a siarod ich — zubr.
Vypadak taki nie ŭnikalny, padobnaje čas ad času fiksujecca, choć i nie časta.
Rolik sabraŭ užo bolš za 230 tysiač prahladaŭ i bolš za 500 kamientaroŭ.
Zvyčajna ad zubrynaha statku adbivajucca maładyja samcy, jakija pa niejkich pryčynach nie znajšli sabie ŭ im miesca. Tady jany kirujucca šukać sabie inšy statak, a pakolki navat u sučasnaj Biełarusi, dzie zubry žyvuć nie tolki ŭ Biełaviežskaj puščy, adlehłaść pamiž roznymi statkami moža być vialikaja, jany mohuć prybivacca i da karoŭ.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary