Stali viadomyja jašče čatyry proźviščy palitviaźniaŭ, jakija vyjšli pa pamiłavańni
Heta Kaciaryna Leŭ, Natalla Piatrovič, Tamara Karavaj, Śviatłana Pałuektava, paviedamiŭ u svaim telehramie Andrej Stryžak.
![](http://nashaniva.com/img/w840d4webp1/photos/z_2024_07/brest240708-3c9bm.jpg.webp)
Kaciaryna Leŭ — naradziłasia ŭ 1980 hodzie. Zatrymanaja 1 lutaha 2023, prysudžanaja da 2 hadoŭ za «abrazu» milicyjanieraŭ.
Natalla Piatrovič — naradziłasia ŭ 1955 hodzie. Zatrymanaja 19 śniežnia 2022, prysudžanaja da 6 hadoŭ źniavoleńnia pa 5 roznych artykułach — «abraza» Łukašenki, udzieł u ekstremisckim farmiravańni, zakliki da sankcyj i inšaje.
Tamara Karavaj — naradziłasia ŭ 1979 hodzie. Zatrymanaja 5 studzienia 2023, prysudžanaja da 2 hadoŭ za «paklop» u dačynieńni Łukašenki.
Śviatłana Pałuektava — naradziłasia ŭ 1986 hodzie. Zatrymanaja 3 maja 2023, prysudžanaja da 2 hadoŭ i 6 miesiacaŭ za ŭdzieł u pratestach, a taksama «abrazu» Łukašenki i pradstaŭnika ŭłady.
***
Pa stanie na abied sierady viadomyja 15 proźviščaŭ vyzvalenych palitviaźniaŭ. Heta 11 žančyn i 4 mužčyny. Jašče adno proźvišča praviarajecca, napisaŭ Andrej Stryžak.
Raniej paviedamlałasia pra vychad na volu Ksienii Łuckinaj, Irynaj Sankoŭskaj, Volhi Novikavaj (jaje 35-hadovy muž Viktar Novikaŭ taksama byŭ vyzvaleny pa pamiłavańni, ale jašče 3 lipienia), Ały Zujevaj i Volhi Stabroŭskaj.
Kamientary