Ježa99

Śpiecyjalisty raskazali, čym karysny rapsavy alej

Hety pradukt maje pieravahi nad zvykłym słaniečnikavym alejem.

Pa słovach načalnika ŭpraŭleńnia pa vytvorčaści praduktaŭ charčavańnia kancernu «Biełdziaržcharčpram» Julii Alachno, za apošnija piać hadoŭ vytvorčaść rapsavaha aleju vyrasła na 40% — z 417 tysiač ton u 2019 hodzie da 577 tysiač ton u 2023-m.

U minułym hodzie kala 60 tysiač ton rapsavaha aleju było pastaŭlena na ekspart. Siarod asnoŭnych spažyŭcoŭ — Niderłandy i Kitaj. U hetym hodzie adnavilisia pastaŭki ŭ Izrail.

Jak adznačaje zahadčyca łabaratoryi Navukova-daśledčaha instytuta hihijeny, taksikałohii, epidemijałohii, virusałohii i mikrabijałohii Natalla Cembarevič, rapsavy alej — kaštoŭnaja krynica polinienasyčanych tłuščavych kisłot, vitaminu Je, jaki dastatkova mocny antyaksidant, i šerahu fitasterynaŭ, jakija vałodajuć antyskleratyčnymi ŭłaścivaściami, źmianšajuć utrymańnie chalesterynu.

Rapsavy alej padychodzić dla ludziej roznych uzrostaŭ. Tak, dla pažyłoha čałavieka dastatkova 20 hramaŭ aleju ŭ sutki, kab zabiaśpiečyć arhanizm polinienasyčanymi tłuščavymi kisłotami, tokafierołami i fitasterynami.

Rapsavy alej rekamiendujecca spažyvać ciažarnym i kormiačym žančynam. Jon upłyvaje na imunnuju sistemu jak mamy, tak i dziciaci. U sutačny racyjon dziaciej ad hoda da troch pavinna ŭvachodzić da 6 hram rapsavaha aleju.

Śpiecyjalistami Navukova-praktyčnaha centra hihijeny raspracavana instrukcyja pa aptymizacyi racyjonaŭ charčavańnia dziaciej daškolnaha i małodšaha školnaha ŭzrostu, dzie źviartajecca ŭvaha na častkovuju zamienu tradycyjnaha słaniečnikavaha aleju na rapsavy i sojevy.

Što tyčycca chatniaj kulinaryi, to śpiecyjalistka źviarnuła ŭvahu na asablivuju ŭłaścivaść rapsavaha aleju vytrymlivać vysokija tempieratury pry nahravańni, što dazvalaje smažyć pradukty biez ryzyki vydzialeńnia škodnych rečyvaŭ, tak zvanych kancerahienaŭ.

Rafinavany rapsavy alej idealna nadajecca dla smažańnia miasa, ryby, bulby. Stravy zachavajuć zvykły smak, a arhanizm atrymaje nieabchodnyja pažyŭnyja rečyvy.

Navukovaja supracoŭnica Navukova-praktyčnaha centra Nacyjanalnaj akademii navuk Biełarusi pa charčavańni Hanna Pčelnikava adznačaje, što pa vynikach praviedzienaha ŭ 2022 hodzie daśledavańnia zaŭvažny stanoŭčy ŭpłyŭ rapsavaha aleju na zdaroŭje ludziej z praźmiernaj masaj cieła.

Rapsavy alej papiaredžvaje raźvićcio patałohij sardečna-sasudzistaj sistemy, źnižaje ŭzrovień ahulnaha chalesterynu, bijałahičny ŭzrost arteryj, a taksama pryvodzić da pavyšeńnia ŭzroŭniu ŭdzielnaha asnoŭnaha abmienu (cieła pačynaje tracić bolš enierhii ŭ stanie spakoju). A voś słaniečnikavy alej takich ułaścivaściej nie maje.

Kamientary9

  • Acab
    26.08.2024
    Ražno
  • !!!!!
    26.08.2024
    HMA
  • Bulba
    26.08.2024
    Na rapsavym dobra bulbu smažyć, mnie padabajecca, a voś miasa-ptuška-ryba atrymlivajucca niasmačnymi, jak i sałaty, kali ich zapravić rapsavym.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Byłoha sienatara i dyrektara najbujniejšaha ŭ Biełarusi vytvorcy budmateryjałaŭ sudziać za razhałošvańnie słužbovaj tajny2

Byłoha sienatara i dyrektara najbujniejšaha ŭ Biełarusi vytvorcy budmateryjałaŭ sudziać za razhałošvańnie słužbovaj tajny

Usie naviny →
Usie naviny

Na budoŭli ŭ Minsku znajšli pareštki 40 čałaviek2

«Minsktrans» prakamientavaŭ abviestki ŭ hramadskim transparcie na ruskaj movie29

«Kamuści budujuć fantany, a ŭ nas niama daroh!» Aburanyja žychary Fanipala źviarnulisia da Turčyna7

«Biełarusy havorać» — novy tred, jaki ŭzvarušyŭ Threads6

Polšča płanuje ŭkaranić bijamietryju pry zapisie na vizu1

U žycharoŭ «Minsk-Śvieta» dyjahnastavali liftafobiju. U adnym z damoŭ tvoracca vielmi dziŭnyja rečy9

Śpiecapieracyja jak ź izrailskimi piejdžarami: rasijskim apierataram dronaŭ padaryli zaminiravanyja akulary2

«U mianie vypali ŭsie vałasy». Biełaruska pieraniesła strašnuju anhinu5

U hramadskim transparcie Minska zahučała bolš ruskaj movy12

bolš čytanych navin
bolš łajkanych navin

Byłoha sienatara i dyrektara najbujniejšaha ŭ Biełarusi vytvorcy budmateryjałaŭ sudziać za razhałošvańnie słužbovaj tajny2

Byłoha sienatara i dyrektara najbujniejšaha ŭ Biełarusi vytvorcy budmateryjałaŭ sudziać za razhałošvańnie słužbovaj tajny

Hałoŭnaje
Usie naviny →

Zaŭvaha:

 

 

 

 

Zakryć Paviedamić