«Hety trek zrazumiejuć tolki biełarusy». Dydžej pieratvaryŭ usim znajomuju miełodyju z prahnozu nadvorja ŭ techna
Atrymaŭsia sapraŭdy nastalhičny chit dla tusovak.
Zapis z techna-rejva ŭ načnym kłubie Modul Art Platform, jaki znachodzicca ŭ budynku pa Kastryčnickaj vulicy, 16, vykłali ŭ tyktoku. Znajomuju ŭsim biełarusam instrumientalnuju miełodyju z prahnozu nadvorja na TB małady dydžej Dania pieratvaryŭ u trek, jaki hajdaje natoŭp.
Trek vyklikaŭ usieahulnaje zachapleńnie: «Naš biełaruski vajb!» Jak zaŭvažyli znaŭcy, jahonaja pryhažość u prastacie — na miełodyju z prahnozu nadvorja idealna lahła pramaja bočka.
Vidać, vialikuju rolu va ŭsprymańni treka adyhrała nastalhija. Mnohija padzialilisia svaimi ŭspaminami, jak pad hetuju miełodyju źbiralisia ŭ dziacinstvie ŭ škołu. «Nie dumała, što pad jaje tak kaŭbasić moža», — dajucca dzivu biełarusy.
U kamientarach zapatrabavali apublikavać hety šedeŭr całkam na jakoj-niebudź płatformie. Što i było zroblena. Trek NPD — Belorusski Utrennik užo dastupny dla prasłuchoŭvańnia na płatformie SoundCloud.
Aryhinalnaja miełodyja była napisanaja biełarusam Iharam Sacevičam, muzykantam z džaz-benda Apple Tea. Za toje, što jaje vykarystali jak temu papularnaj telepieradačy na kanale ANT, aŭtar nie atrymaŭ nijakich aŭtarskich adličeńniaŭ. Paśla jahonuju miełodyju prysvoiŭ i rasijski Pieršy kanał.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary