Kryminalnaja sprava ab machlarstvie zaviedzienaja ŭ dačynieńni da byłoha namieśnika ministra abarony RF Paŭła Papova. Da hetaha Papoŭ 11 hadoŭ byŭ namieśnikam ministra abarony. Heta ŭžo treci zatrymany namieśnik Siarhieja Šajhu.
Pavieł Papoŭ zatrymany SK RF pa spravie ab machlarstvie. Pa viersii śledstva, jon uzbahaciŭsia za košt parka «Patryjot».
Za košt resursaŭ parka Papoŭ pabudavaŭ zaharadny dom i dobraŭparadkavaŭ učastak płoščaj kala 3 hiektaraŭ. Jon taksama prymušaŭ kamiercyjnyja kampanii biaspłatna vykonvać budaŭničyja raboty i zajmacca absłuhoŭvańniem hetaha doma, śćviardžaje SK.
Pavieł Papoŭ byŭ zvolnieny razam ź pieršym namieśnikam ministra abarony RF Rusłanam Calikavym, a taksama z dvuma namieśnikami ministra — Taćcianaj Šaŭcovaj i Mikałajem Pankovym — ukazam Pucina 17 červienia.
Papoŭ doŭhi čas pracavaŭ z Šajhu. Z 1996 hoda jon pracavaŭ na kirujučych pasadach u MNS, z 2008 pa 2013 hady byŭ namieśnikam Šajhu ŭ MNS.
Papoŭ staŭ trecim zatrymanym namieśnikam ministra. Da jaho śledčyja zatrymali za karupcyju Dźmitryja Bułhakava i Cimura Ivanova.
U Biełarusi, jak i ŭ minułym hodzie, na pieradnavahodnija chviliny adklučyli jutub20
Kamientary