Rasija moža ŭ najbližejšyja tydni prymianić suprać Ukrainy iranskija balistyčnyja rakiety
Dziaržsakratar ZŠA Entani Blinkien paćvierdziŭ, što Rasija atrymała balistyčnyja rakiety ad Irana. Pra heta 10 vieraśnia paviedamiŭ brytanski telekanał Sky News.
«My publična i ŭ pryvatnym paradku papiaredžvali Iran, što hety krok [pastaŭki RF balistyčnych rakiet] budzie surjoznaj eskałacyjaj. Dziasiatki rasijskich vajskoŭcaŭ prajšli ŭ Iranie vučeńni pa vykarystańni rakietnych sistem Fath-360 z maksimalnaj dalokaściu dziejańnia 120 km», — zajaviŭ Blinkien.
Pavodle jahonych słoŭ, Rasija moža vykarystać hetyja rakiety suprać Ukrainy «ŭ najbližejšyja tydni». Taksama dziaržsakratar ZŠA dadaŭ, što «heta dazvolić Rasii nanosić udary ŭłasnymi rakietami pa celach, raźmieščanych dalej ad linii frontu, a novyja rakiety vykarystoŭvać dla bolš blizkich celaŭ».
Blinkien padkreśliŭ, što Rasija dzielicca ź Iranam technałohijami, u pryvatnaści ŭ jadziernaj i kaśmičnaj halinach, a taksama anansavaŭ novy pakiet sankcyj suprać Irana.
9 vieraśnia pradstaŭnik Dziaržaŭnaha departamienta ZŠA Viedant Patel prakamientavaŭ infarmacyju ab pieradačy balistyčnych rakiet ź Irana ŭ Rasiju, adznačyŭšy, što Štaty hatovyja adkazać «značnymi nastupstvami».
Iran pieradaŭ Rasii balistyčnyja rakiety — WSJ
ZŠA hatovyja dazvolić Ukrainie ŭdary dalnabojnymi rakietami pa Rasii
USU ŭpieršyniu źbili rasijski «Arłan» na vielizarnaj vyšyni
Były ministr abarony Vialikabrytanii prapanavaŭ vystavić ultymatum Pucinu
Ukraina stvaryła ŭłasnuju vysokadakładnuju bombu
ZŠA abviaścili ab vydzialeńni Ukrainie dadatkovaj dapamohi na 250 miljonaŭ dalaraŭ
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary