U pres-słužbie Minskaha adździaleńnia MNS paviedamili, što ŭ stalicy ŭsio spakojna — nijakich pažaraŭ i inšych nadzvyčajnych situacyj nie fiksujecca, piša smartpress.by.
«Pach i dym mohuć być źviazanyja z pažaraniebiaśpiečnymi ŭmovami nadvorja ŭ lasach i na bałotach krainy, — adznačyła pres-sakratar Volha Mielčanka. — Heta moža być i inviersija paśla patušanych lasnych pažaraŭ — kali ciopłyja masy pavietra nie padnimajucca ŭ vierchnija płasty pavietra, a zastajucca ŭnizie i vietram raznosiacca pa terytoryi».
Pres-sakratar Ministerstva pa nadzvyčajnych situacyjach Jaŭhien Baranoŭski taksama paćvierdziŭ, što ŭ dadzieny momant u stalicy i pablizu Minska ničoha nie tušać, a smurod i smuha mohuć iści ad pałajučych ci ŭžo patušanych lasoŭ i bałot.
Ranicaj Minlashas paviedamlaŭ, što ŭsiu noč lesaachova zmahałasia z pažaram u Krupskim rajonie Minskaj vobłaści. Tam haryć bałota i les. Na likvidacyi zadziejničana bolš za 150 rabotnikaŭ lashasaŭ.
Taksama niekalki dzion leśniki tušyli pažar u Paleskim lashasie — na terytoryi zakaźnika respublikanskaha značeńnia «Almanskija bałoty».
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary