10 vieraśnia ŭ Minsku prajšoŭ fiestyval mieksikanskaj kultury, dzie adnym z klučavych momantaŭ było pryhatavańnie hihanckaha buryta — tradycyjnaj stravy ź miakkaha pšaničnaha prasnaka, u jaki zahornutaja raznastajnaja načynka. Pa słovach arhanizataraŭ, roł atrymaŭsia kala 30 mietraŭ, a skručvali jaho ŭsie razam, piša Telegraf.news.
Miarkujučy pa videa, jakoje apublikavaŭ adzin z błohieraŭ u tyktoku, mieksikanskaje buryta składałasia z prasnaka, syru, zielaniny, čyrvonaha piercu, ahurka, dvuch vidaŭ padliŭki i, viadoma ž, miasa.
Paśla taho, jak načynku raskłali pa ŭsioj 30-mietrovaj daŭžyni tartylji, biełarusy stali pa abodva baki stałoŭ i… pačali adnačasova skručvać hihancki roł.
Adnak u kamientarach pad videa nie ŭsie zastalisia zadavolenyja realizacyjaj takoj idei. Naprykład, niekatoryja pisali, što ŭtvaryłasia žudasnaja ciskanina i ludzi prosta vyryvali kavałki adzin u adnaho. Inšyja adznačyli, što z-za natoŭpu im nie ŭdałosia ŭbačyć navat stoł, nie toje što samo buryta.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary