Syn Usamy bien Ładena, jakoha ličyli miortvym, buduje łahiery dla terarystaŭ
Chamza poŭny rašučaści praciahvać spravu baćki.
U 2019 hodzie prezident ZŠA Donald Tramp zajaviŭ, što amierykanskija vajskoŭcy zabili syna Usamy bien Ładena — 34-hadovaha Chamzu bien Ładena. Na toj momant jaho ličyli lidaram terarystyčnaj arhanizacyi «Al-Kaida», jakaja pad kiraŭnictvam jaho baćki ŭ 2001 hodzie ździejśniła ataki na Suśvietny handlovy centr u Ńju-Jorku i Pientahon, piša Bild.
U 2019 hodzie Bieły dom paviedamlaŭ, što Chamza bien Ładen byŭ zabity padčas antyterarystyčnaj apieracyi «ŭ afhana-pakistanskim rehijonie». Adnak novyja źviestki raźviedki śviedčać, što Chamza bien Ładen usio jašče žyvy.
Brytanskaje vydańnie Mirror pryvodzić cytatu z dakłada raźviedki: «Chamza bien Ładen nie tolki žyvy, ale i aktyŭna ŭdzielničaje ŭ adradžeńni «Al-Kaidy». Jon padniaŭsia na viaršyniu «Al-Kaidy» i nakiroŭvaje jaje da samaha mocnaha Adradžeńnia z časoŭ vajny ŭ Iraku».
Pavodle spravazdačy, syn bien Ładena pravodzić bolšuju častku času ŭ afhanskim horadzie Džełałabad, raźmieščanym za 150 kiłamietraŭ ad Kabuła. Razam sa svaim bratam Abdułoj Chamza, jak śćviardžajecca, arhanizavaŭ dziesiać łahieraŭ «Al-Kaidy» dla padrychtoŭki terarystaŭ.
«Paraleli pamiž ciapierašniaj situacyjaj i preludyjaj da teraktaŭ 11 vieraśnia vyklikajuć tryvohu. Chamza poŭny rašučaści praciahvać spravu baćki. Pad jaho kamandavańniem «Al-Kaida» pierahrupoŭvajecca i rychtujecca da budučych napadaŭ na zachodnija mety», — cytuje Mirror dakład raźviedki.
Jak miarkujecca, taliby, jakija zachapili ŭładu ŭ Afhanistanie paśla vyvadu amierykanskich vojski, pravodziać rehularnyja sustrečy z Chamzoj bien Ładenam.
«Lidary talibaŭ padtrymlivajuć ź im suviaź i pravodziać rehularnyja sustrečy. Jany zabiaśpiečvajuć biaśpieku jamu i jaho siamji. Hetaja hłybokaja suviaź pamiž «Al-Kaidaj» i «Talibanam» pavinna być daśledavana zachodnimi ŭradami», — cytuje Mirror spravazdaču raźviedki.
Ułady ZŠA pakul što aficyjna nie kamientujuć hetyja paviedamleńni.
Eks-kandydatku ŭ prezidenty Taćcianu Karatkievič pasadzili na 15 sutak11
Kamientary