«Niama nijakaj nadziei, što doždž spynicca». Centralnaja Jeŭropa pajšła pad vadu
Praliŭnyja daždžy, vyklikanyja štormam «Barys», pryviali da katastrafičnaj pavodki z čałaviečymi achviarami. Padobnyja štarmy ŭ rehijonie zdarajucca raz na 50 hadoŭ, ale ciapier buduć adbyvacca čaściej — usio praz imklivaje paciapleńnie klimatu.
Avaryjnyja słužby krain umacoŭvajuć zaścierahalnyja zbudavańni dla baraćby z pavodkaj. Ad vady paciarpieli tysiačy damoŭ. Pra heta piša BBC.
Zahinułyja ŭ Rumynii, Polščy i Aŭstryi.
U Aŭstryi padčas apieracyi pa vyratavańni hramadzian ad pavodki zahinuŭ adzin pažarny, piša Reuters. Vakolicy Vieny byli abvieščany zonaj biedstva, miascovyja ŭłady kažuć pra «biesprecedentnuju ekstremalnuju situacyju».
Adzin čałaviek zahinuŭ u vyniku pavodki ŭ Polščy, zajaviŭ premjer-ministr Donald Tusk u niadzielu.
Štorm «Barys» pryvioŭ da achviar i ŭ Rumynii. U subotu ŭłady paviedamili, što čatyry čałavieki zahinuli padčas pavodki ŭ paŭdniova-ŭschodnim rehijonie Hałac.
U Čechii praz pavodku ŭ niekatorych rajonach była abjaŭlena evakuacyja. Kala 51 tysiačy haspadarak na poŭnačy krainy zakranuli pieraboi z elektraenierhijaj, paviedamlaje češskaja enierhietyčnaja kampanija CEZ.
U Prazie ŭźviedzieny zaharody ad pavodak.
«My znoŭ sutykajemsia z nastupstvami źmieny klimatu, jakija ŭsio bolš adbivajucca na jeŭrapiejskim kantyniencie — z dramatyčnymi nastupstvami», — zajaviŭ u subotu prezident Rumynii Kłaus Jachanis.
Z-za źmieny klimatu ekstremalnyja apadki stanoviacca ŭsio bolš vierahodnymi ŭ Jeŭropie — jak i ŭ mnohich inšych častkach śvietu. Ciaplejšaja atmaśfiera moža ŭtrymlivać bolš vilhaci, što pryvodzić da macniejšych daždžoŭ.
Emil Drahamir, mer vioski Słabozii-Kanaki ŭ rumynskim rehijonie Hałac, paviedamiŭ, što zatoplena 700 damoŭ. «Heta katastrofa epičnych maštabaŭ», — skazaŭ Drahamir.
U horadzie Hłuchałazy na paŭdniovym zachadzie Polščy ŭłady zajavili, što raka vyjšła ź bierahoŭ i zataplaje vulicy. U niadzielu jany zaklikali žycharoŭ evakuiravacca ŭ bolš vysokija miescy.
Žycharka horada Zofja Aŭsiaka raskazała, što ŭsie ŭ horadzie napałochanyja i «niama nijakaj nadziei na toje, što doždž spynicca».
U Krakavie, druhim pa vieličyni horadzie Polščy, ułady prapanavali žycharam miaški ź piaskom dla abarony ad pavodki.
Vystupajučy ŭ horadzie Kłodzka niedaloka ad miažy z Čechijaj, adnym z najbolš paciarpiełych ad pavodki, premjer Tusk skazaŭ, što bolš za paŭtary tysiačy čałaviek u hetym rajonie ŭžo byli evakuiravany.
Jon zaklikaŭ inšych žycharoŭ supracoŭničać z avaryjna-vyratavalnymi słužbami, kali tyja źviartajucca da ich z prośbaj pakinuć svaje damy. U hetym rajonie 17 tysiač čałaviek zastalisia biez elektryčnaści, skazaŭ Tusk, niedzie adsutničaje sihnał mabilnaj suviazi i internet.
Zatapleńni ŭ Čechii i Ukrainie
U Čechii ŭ subotu prarvała płacinu na poŭdni krainy. Ministr navakolnaha asiarodździa Piotr Chładzik zaklikaŭ žycharoŭ najbolš paciarpiełych rajonaŭ padrychtavacca da taho, kab pakinuć svaje damy.
Pa słovach Chładzika, ziamla pramočanaja vadoj i daždžavaja vada zastajecca na pavierchni, što pavialičvaje ryzyku raptoŭnych pavodak. Ministr taksama papiaredziŭ, što daždžy ŭ Čechii čakajucca da aŭtorka.
Premjer-ministr Čechii Piotr Fijała skazaŭ, što kraina rychtujecca da «ciažkich vychadnych». Ułady ŭzvodziać zaścierahalnyja ścieny ź miaškoŭ ź piaskom i mietaličnych aharodž.
Futbolnyja matčy ŭ dźviuch vyšejšych lihach krainy, zapłanavanyja na hetyja vychadnyja, byli admienieny.
Jak paviedamili pradstaŭniki ŭkrainskich čyhunak «Ukrzaliźnicia», u Polščy i Čechii admianili šerah ciahnikoŭ va Ukrainu z-za pavodak. Ciahniki z Prahi da Čopa i Pieramyšla ŭsio jašče znachodziacca ŭ Čechii i nie paśpiejuć na svaje stykovačnyja ŭkrainskija rejsy.
Pasažyram z Ukrainy, jakija buduć jechać u napramku Prahi, rajać źviazacca z češskim abo polskim apierataram čyhunki i ŭdakładnić raskład rejsaŭ, a taksama na ŭsialaki vypadak zapłanavać načleh u horadzie stykoŭki.
Ranicaj u Adesie vypała amal paŭmiesiačnaja norma apadkaŭ — 19 mm, paviedamiŭ mer horada Hienadź Truchanaŭ. U horadzie padtopleny niekalki vulic, pa jakich spynieny ruch. Na vulicach horada dziažurać 48 adzinak techniki i 95 supracoŭnikaŭ darožnych słužb.
Čamu štorm akazaŭsia takim razburalnym
Štorm «Barys» užo prynios vialikuju kolkaść apadkaŭ u Centralnuju i Uschodniuju Jeŭropu. Pa prahnozach praliŭnyja daždžy buduć praciahvacca jak minimum da kanca paniadziełka.
Bolš za ŭsio apadkaŭ vypała ŭ Čechii. U harach na zachadzie krainy z čaćviarha vypała 288 mm apadkaŭ. Heta prykładna trochmiesiačnaja norma apadkaŭ usiaho za try dni.
Štorm akazaŭsia takim razburalnym pa dvuch pryčynach.
Pa-pieršaje, u siłu svajho stanovišča štorm pryciahvaje chaładniejšaje pavietra z poŭnačy, jakoje źmiešvajecca ź vilhaćciu, jakaja pastupaje ź niezvyčajna ciopłych vod Mižziemnaha i Čornaha moraŭ.
Pa-druhoje, nad hetymi ž rajonami vielmi pavolna pieramiaščajecca vobłaść nizkaha cisku, i štorm akazaŭsia zacisnutym pamiž abłaściami vysokaha cisku na zachadzie i ŭschodzie.
Ministerstva achovy navakolnaha asiarodździa Čechii zajaviła, što štarmy, padobnyja da «Barysa», adbyvajucca raz u 50 hadoŭ.
Paśla ekstremalnaj pavodki ŭ 2021 hodzie ŭ Jeŭropie Suśvietnaja sietka prahnazavańnia nadvorja pryjšła da vysnovy, što vierahodnaść i intensiŭnaść pavodak takoha typu ŭ Jeŭropie ŭzrastaje z-za chutkaha paciapleńnia klimatu.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień3
Kamientary
Na rovary pasieli
. Chutka
Kuzurki
Žerci
Pačynajcie.
Sartujcie lepiej śmiećcie
. I dakładniej!
A dosyć spažyvać!
Chadzicie pieššu, vaš rovar - nieprymalnaja raskoša!
Kuzurki ŭsie pakutujuć praz vas!
Žarycie siena!
Majno zdajem chutčej ŭ kałhas, jano nia treba!
Planeta hinie!