Uładzisłavu Bakalčuku i jašče šaściarym ludziam vystavili abvinavačvańni paśla stralaniny ŭ ofisie Wildberries u Maskvie
Dzie jany ciapier znachodziacca, nie ŭdakładniajecca.
Uładzisłavu Bakalčuku i jašče šaściarym ludziam vystavili abvinavačvańni paśla stralaniny ŭ ofisie Wildberries u Maskvie. Dzie jany ciapier znachodziacca, nie ŭdakładniajecca, piša «Novaja hazieta Jeŭropa».
Napiaredadni ŭviečary advakat biznesoŭca Anas Elmurzajeŭ paviedamiŭ, što jaho padabaronnaha paśla stralaniny ŭ ofisie Wildberries zaprašali ŭ adździeł palicyi na Arbacie. Adtul jaho hvałtoŭna pavieźli ludzi ŭ cyvilnym, dadaŭ jon.
Pry hetym SHOT pisaŭ, što Bakalčuka advieźli na dopyt u SK. Pa stanie na 18 vieraśnia 20:30 jon nie byŭ zatrymany, i prachodziŭ pa kryminalnaj spravie ŭ jakaści śviedki, adznačaŭ kanał.
SK raspačaŭ kryminalnuju spravu paśla stralby ŭ ofisie Wildberries pa piaci artykułach — zabojstva, zamach na zabojstva dźviuch i bolš asob, niezakonnaje zachoŭvańnie ahniastrelnaj zbroi, zamach na žyćcio supracoŭnika pravaachoŭnaha orhana i samaŭpraŭstva.
U viedamstvie ŭdakładnili, što ŭ vyniku napadu zahinuli dva čałavieki, paciarpieli jašče siem, uklučajučy dvuch supracoŭnikaŭ pravaachoŭnych orhanaŭ.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary