Hanna Łukašenka i Ejsmant raskazali, jak projdzie «Marafon adzinstva»
«Marafon adzinstva» pačniecca 11 kastryčnika z Maładziečna, paviedamiła na pres-kanfierencyi kiraŭnica pracoŭnaj hrupy pa padrychtoŭcy akcyi Hanna Łukašenka, jana ž aŭtarka prapahandysckich piesień, jakija jana piša pad psieŭdanimam Hanna Siałuk.
«Marafon u vyhladzie kancertaŭ i łakalnych mierapryjemstvaŭ dajedzie ŭ kožny rehijon krainy. Jak praviła, heta budzie dvuchdzionnaja prahrama», — adznačyła Hanna Łukašenka.
Pieršym punktam maršrutu stanie Maładziečna, dzie 11—12 kastryčnika projduć fiestyvalnyja mierapryjemstvy. Usiaho ž płanujecca achapić 13 haradoŭ: Brest, Baranavičy, Pinsk, Hrodna, Lidu, Salihorsk, Homiel, Žłobin, Maładziečna, Babrujsk, Mahiloŭ, Viciebsk i Oršu.
Pres-sakratar Alaksandra Łukašenki Natalla Ejsmant skazała, što «Marafon adzinstva» — praciah kancerta 17 vieraśnia.
«Kancert, jaki prajšoŭ 17 vieraśnia, vielmi spadabaŭsia prezidentu i hledačam, i naradziłasia ideja, kab jaho ŭ krychu adaptavanym vyhladzie ŭbačyła ŭsia kraina», — skazała jana.
Usie mierapryjemstvy akcyi, u tym liku kancertnyja, buduć biaspłatnyja dla hledačoŭ. Kolki hetyja prapahandysckija mierapryjemstvy ŭ padtrymku Łukašenki buduć kaštavać biudžetu, nieviadoma.
-
Viarchoŭny Sud pryznaŭ terarystyčnaj arhanizacyjaj Połk imia Kastusia Kalinoŭskaha
-
«Naš supolny ruski śviet». Siastra kiraŭnika MZS Ryžankova žyvie ŭ Francyi, ale paśla pačatku vajny atrymała rasijskaje hramadzianstva
-
Jak turma z amierykanskich filmaŭ. Biełarus pravioŭ leta ŭ novym SIZA ŭ Kaladzičach i raskazaŭ pra ŭmovy
«Naš supolny ruski śviet». Siastra kiraŭnika MZS Ryžankova žyvie ŭ Francyi, ale paśla pačatku vajny atrymała rasijskaje hramadzianstva7
Kamientary