Admova ad NATO i 20% terytoryi Ukrainy: Stała viadoma pra ŭmovy Pucina na pieramovach
Zhodna z danymi amierykanskaha vydańnia Bloomberg, Rasija budzie patrabavać ad Ukrainy razarvać vajennyja suviazi z NATA i stać niejtralnaj krainaj z abmiežavanaj armijaj. Hetyja ŭmovy stanuć klučavymi na lubych pieramovach z budučym prezidentam ZŠA Donaldam Trampam, paviedamlajuć krynicy, znajomyja z hetym pytańniem.
Jak adznačaje Bloomberg, prezident Rasii Uładzimir Pucin «poŭny rašučaści» dabicca, kab Kijeŭ nikoli nie dałučyŭsia da NATO i mieŭ abmiežavanyja vajennyja mahčymaści. Pra heta žurnalistam na ŭmovach ananimnaści paviedamili ludzi, jakija «viedajuć pazicyju Kramla».
Adnačasova Maskva nibyta nie budzie vystupać suprać pastavak zbroi Kijevu asobnymi krainami NATO, ale rašuča suprać taho, kab hetaja zbroja vykarystoŭvałasia suprać Rasii ci dla vyzvaleńnia akupavanych terytoryj. Akramia taho, krynicy vydańnia adznačajuć, što Pucin nastojvaje na zachavańni kantrolu nad pryblizna 20% terytoryi Ukrainy, uklučajučy akupavany Krym.
Taksama Kreml nibyta adkryty dla pytańnia «abmienu niekatorymi terytoryjami». Jakija mienavita terytoryi majucca na ŭvazie, nie ŭdakładniajecca. Mahčyma, havorka idzie pra Kurskuju vobłaść Rasii, jakuju z 6 žniŭnia 2024 hoda častkova kantralujuć ukrainskija vojski.
Surazmoŭcy Bloomberg va Ukrainie adznačajuć, što ciapier pieramovy pamiž Kijevam i Maskvoj abmiažoŭvajucca tolki abmienam pałonnymi i viartańniem departavanych dziaciej.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy11
Kamientary