Jašče na paŭhoda praciahnuli zabaronu na ŭvoz asobnych tavaraŭ praź miažu ź Litvoj
Urad Biełarusi praciahnuŭ da 1 krasavika 2025 hoda zabaronu na ŭvoz asobnych tavaraŭ praź biełaruska-litoŭski ŭčastak dziaržaŭnaj miažy. Źmieny ŭniesienyja ŭ pastanovu №182, paviedamiła pres-słužba Savieta Ministraŭ.
«Hety krok źjaŭlajecca vymušanaj mieraj biełaruskaha boku dla zabieśpiačeńnia abarony nacyjanalnych intaresaŭ i reahavańnia na niedružalubnyja dziejańni Litoŭskaj Respubliki», — havorycca ŭ kamientaryi pres-słužby.
Zabarona na ŭvoz asobnych tavaraŭ praź biełaruska-litoŭski ŭčastak dziaržaŭnaj miažy pavodle pastanovy №182 była ŭviedzienaja z 1 krasavika 2024 hoda. Spačatku jana praduhledžvałasia na paŭhoda, da 1 kastryčnika 2024 hoda.
Zabarona zakranaje, u pryvatnaści, vadu, piva, viny, etanoł, vocat, šyny i pakryški pnieŭmatyčnyja humovyja, sekand-chend, a taksama ŭžyvanyja častki i prynaležnaści transpartnych srodkaŭ, pryčym niezaležna ad krainy ich pachodžańnia.
Na fizičnych asob i tavary, jakija jany ŭvoziać na terytoryju Biełarusi ź Litvy dla asabistych patreb, dziejańnie hetaj pastanovy nie raspaŭsiudžvajecca.
Kamientary