U Homieli kiroŭca BMW ź dziaržściaham dryftavaŭ dziela chajpu — DAI zabrała ŭ jaho pravy
Kampanija amataraŭ BMW, jakaja jeździć pa Homieli z čyrvona-zialonymi ściahami, znoŭ trapiła ŭ pole zroku siłavikoŭ. Raniej u adnaho z kiroŭcaŭ zabirali aŭto.
Homielskija siłaviki zacikavilisia kiroŭcam, jaki zładziŭ dryft na BMW na centralnaj płoščy. Ekstremały apublikavali videa ŭ sacsietkach, dzie rolik znajšli supracoŭniki DAI.
Na videa dryftuje BMW z čyrvona-zialonym ściaham, ustanoŭlenym u zadnim aknie. Za rulom znachodziŭsia 21-hadovy žychar Bresckaj vobłaści. Najaŭnaść dziaržściaha nie vyratavała. Na kiroŭcu skłali niekalki pratakołaŭ, u tym liku za stvareńnie avaryjnaha stanovišča, ruch pa chodnikach, utojvańnie rehistracyjnych znakaŭ, parušeńnie praviłaŭ manieŭravańnia i inšyja. Pa paviedamleńni milicyi, jamu pahražała pazbaŭleńnie pravoŭ na dva hady.
Darečy, u paviedamleńni homielskaj milicyi niama zhadki pra toje, što kiroŭca dryftavaŭ sa ściaham. Pry hetym na videa jaho možna razhledzieć.
Akazałasia, dryftar — udzielnik kampanii, jakaja lubić haniać pa homielskich vulicach z čyrvona-zialonymi ściahami. Pra hetuju kampaniju stała viadoma letam, DAI zabrała mašynu ŭ hamialčanina Arcioma Karpienki, jaki ź siabrami zładziŭ honki pa horadzie sa ściahami, kab «padniać patryjatyzm».
Mašynu Karpienku nieŭzabavie viarnuli, i kampanija praciahnuła ładzić roznyja pierfomansy za hrańniu praviłaŭ darožnaha ruchu. Adnym ź ich i staŭ Dryft na centralnaj płoščy.
«Fłahštok» daviedaŭsia, što dryftara zvać Mikita Dorach. Akramia dziaržściaha ŭ zadnim aknie, na jaho aŭtamabili jość i dziaržaŭny hierb: jon nalapiŭ jaho na numar pad ściaham. Pierad dryftam chłopiec, praŭda, zadni numar źniaŭ — za heta na jaho skłali asobny pratakoł.
Miarkujučy pa zapisach u sacsietkach, pravy ŭ Doracha ŭsio ž taki zabrali. Jon apublikavaŭ fota z aŭtamabilem na štrafstajancy i płanuje razyhrać BMW siarod padpisčykaŭ.
Kamientary