Eks-dypłamat i inicyjatar prajekta pa lačeńni dziaciej z čarnobylskaj zony.
Va ŭzroście 73 hadoŭ pamior Alaksandr Ruchla — inicyjatar stvareńnia Biełaruska-niamieckaha centra «Nadzieja» pa lačeńni dziaciej z zaražanych rehijonaŭ, kandydat chimičnych navuk i były namieśnik ministra zamiežnych spraŭ, piša «Pozirk».
U 1987—1988 hadach Ruchla aktyŭna ŭdzielničaŭ u stvareńni kart radyjacyjnaha zabrudžvańnia Biełarusi z pryčyny vybuchu na ČAES.
Tady ŭ jaho i ŭźnikła ideja stvareńnia azdaraŭlenčaha centra. Na praciahu mnohich hadoŭ Ruchla zajmaŭsia pytańniami pieraadoleńnia nastupstvaŭ avaryi na ČAES.
U 2005 hodzie Ruchla padpisaŭ «Zvarot da biełaruskaha naroda», u jakim było abvieščana ab stvareńni apazicyjnaha ruchu «Vola naroda». Paśla hetaha jon byŭ zvolnieny z VNU.
«Mabyć, ja zanadta doŭha pražyŭ u Hiermanii, kab być zadavolenym tym, što ŭ nas adbyvajecca. Biełaruś — kraina, jakaja spakojna mahła b raźvivacca ŭ jeŭrapiejskim rečyščy», — skazaŭ Ruchla ŭ intervju paśla zvalnieńnia z BDU.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary