Heta zusim nie novabudoŭla, a stary dom.
U stalicy prajšoŭ ahlad-konkurs abjektaŭ ŽKH. Vyznačyli i ŭzorny padjezd. Jon znachodzicca ŭ domie №141 na praśpiekcie Rakasoŭskaha. Žurnalisty Minsk-Navinaŭ zazirnuli tudy.
Hety dzieviacipaviarchovik znachodzicca niedaloka ad kinateatra «Salut». Dom — zusim nie novabudoŭla. Takich u Minsku sotni — uzvodzilisia jany jašče ŭ savieckija časy. Ale pieršy padjezd budynka sapraŭdy niezvyčajny.
Ścieny ŭpryhožvajuć šaścikantoviki roznych formaŭ i koleraŭ. U cełym ramont vykanany ŭ šera-bezavych farbach. Stoli — biełyja. U padjeździe źjavilisia novyja paštovyja skryni i radyjatary. Ustalavali i śviatłodyjodnyja śviacilni z datčykami.
Padłoha, praŭda, zamienienaja tolki na placoŭcy la lifta na pieršym paviersie — jaje vykłali plitkaj z kieramahranitu.
U 2023-m u domie zrabili kapramont. A sioleta vyrašyli abkulturyć padjezd. Nahadajem, pa zakanadaŭstvie abnaŭleńnie miescaŭ supolnaha karystańnia całkam apłačvajuć žychary. Tut vyrašyli nie škadavać.
Na schodzie ŭłaśnikaŭ vyrašyli, jakim chočuć bačyć padjezd. Prykładam stali ścieny ŭ adnym z damoŭ na vulicy Plachanava. Ułasna, na Rakasoŭskaha ramont rabiła taja ž pryvatnaja arhanizacyja, što i ŭ susiedziaŭ.
Košt pytańnia — Br14 tys. Sumu raźmierkavali pamiž kvaterami suvymierna ich płoščy. Žycharam dali rasterminoŭku pa apłacie na try miesiacy.
Hajdukievič uziaŭ novy ŭzrovień chamstva — prapanavaŭ znajści žančyn, jakija aceniać, ci jaho člen byŭ na dykpiku11
Kamientary
Darečy, prystupki mahli b taksama pryvieści da ładu, chacia b smaltaj pakryli, ci pafarbavali, na chudy kaniec, a na placoŭkach tre było pastavić horščyki, z palmami dy kitajskimi ružami. A tak, nie, nia lepšy hea padjezd, nie daciahvaje jon da hanarovaj i vysokaj adznaki...