Hramadstva1818

U Minsku zatrymali partnioraŭ Maziepina pa «Urałkalii», adnych z samych bahatych biełarusaŭ Rasii

Siabry pa Minskaj suvoraŭskaj vučelni Dźmitryj Maziepin, Dźmitryj Łobiak i Jaŭhien Šaviel — vialikija postaci ŭ rasijskim biznesie. Maziepin nie ryzykuje jeździć u Minsk. A voś Šaviel i Łobiak viali spravy jašče i ŭ Biełarusi, dyj papłacilisia. 

Źleva naprava: Jaŭhien Šaviel i Źmicier Łobiak. Fota: bazy Biełpoła

Jak stała viadoma «Našaj Nivie», niekalki dzion nazad u Biełarusi zatrymali byłych partnioraŭ Dźmitryja Maziepina pa «Urałkalii» Jaŭhiena Šaviela i Dźmitryja Łobiaka. A razam ź imi, napiaredadni, top-mieniedžaraŭ AAT «Juras-Ojł». 

«Juras-Ojł» — heta biełaruskaja kampanija, dyler pramysłovaj chimii i ŭhnajeńniaŭ, u jakoj Łobiak i Šaviel — suakcyjaniery.

Pavodle papiaredniaj infarmacyi, usie pretenzii datyčać mienavita hetaj firmy i majuć padatkovuju pryrodu. 

Nijakaj aficyjnaj infarmacyi nie publikavałasia. 

Šaviel i Łobiak — biełarusy karaniami, jakija zarabili svaje asnoŭnyja hrošy ŭ Rasii. Jak možna mierkavać, i žyli jany zbolšaha tamsama. 

Jany byli najbližejšymi biznes-partniorami byłoha ŭładalnika «Urałkalija» Dźmitryja Maziepina. Usie troje razam vučylisia ŭ 5-j rocie Minskaj suvoraŭskaj vučelni 29-ha vypuska. 

Čym ciapier vałodajuć hetyja biznesoŭcy, my nie viedajem praz ahulny trend na zašyfroŭvańnie aktyvaŭ u Rasii.

Na siońnia «Urałkalijem» na 100% vałodaje kampanija «Urałchim». Da sakavika 2022 hoda «Urałchimam» na 100% vałodaŭ Dźmitryj Maziepin. Ciapier struktura ŭłasnaści kampanii nie raskryvajecca.

Raniej Dźmitryj Łobiak vałodaŭ 20% «Urałkalija» i byŭ daradcam hienieralnaha dyrektara. Paśla hetaja dola pierajšła Maziepinu. Šaviel byŭ top-mieniedžaram u toj samaj kampanii, imavierna, i z dolaj u biznesie. 

Akramia taho, Šaviel i Łobiak vałodali pa 17% akcyj Vierchniakamskaha elektramiechaničnaha zavoda. Šaviel i na siońnia saŭładalnik «Kazfasfata» — adnaho z najbujniejšych vytvorcaŭ fosfarnych uhnajeńniaŭ u śviecie. 

Biełaruskaja kampanija partnioraŭ zajmałasia dylerstvam chimičnych praduktaŭ, i heta, jak možna mierkavać, daloka nie asnoŭny i nie hałoŭny dla ich biznes. 

Zatrymańni pa padatkovym artykule ŭ Biełarusi niaredka vykarystoŭvajucca, kab «padstryhčy» paśpiachovych biznesmienaŭ. Zvyčajna ludzi takoha kalibru vypłačvajuć vykup za svaju svabodu, jaki patrabujecca, a spravy čaściej za ŭsio nie dachodziać da suda. 

Padatkovaje zakanadaŭstva časta dvuchsensoŭnaje, i tamu lohka vykarystoŭvajecca dla vystaŭleńnia pretenzij.

Vykuplać siabie ŭ biełaruskich siłavikoŭ tolki za apošnija hady pryjšłosia mnohim: krynicy «NN» paviedamlali, što Hienadź Kirejkaŭ, ułaśnik «Green», vyjšaŭ na svabodu za 5 miljonaŭ dalaraŭ, za 10 miljonaŭ — ułaśnik «Sihmaplus» Vital Sinicki, za stolki ž eks-kiraŭnik Pryjorbanka Siarhiej Kaściučenka i hetak dalej. 

Varta nahadać, što Raman Pratasievič u intervju ANT paśla svajho pryziamleńnia śćviardžaŭ, što telehram-kanał «Niechta» spansiravaŭ niejki rasijski miljarder, źviazany z Urałam i zdabyčaj karysnych vykapniaŭ. Pad hetaje apisańnie padpadaje Dźmitryj Maziepin. Tady heta, adnak, padałosia zrežysavanaj zajavaj ź niejkimi nievidavočnymi metami. Sam Maziepin paśla zajaviŭ, što jon i jaho kampanii nikoli nie finansavali telehram-kanał «Niechta».

Šaviel i Łobiak, pa našaj infarmacyi, majuć i biełaruskija, i rasijskija pašparty adnačasova.

Kamientary18

  • %
    08.10.2024
    Zusim pofih. Chaj choć pazabivajucca
  • Anfisa
    08.10.2024
    Josik, a ty sam diriektorom choť čieho-to był? Vienika i švabry, v łučšiem słučaje, da i to na trojku. Sovchoz eto bolšoje choziajstvo, i rukovodiť sovchozom eto słožnaja rabota, triebujuŝaja uma, sposobnostiej, i znanij.
  • Brest
    08.10.2024
    Ich noravy
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kreml nazvaŭ ustupleńnie Ukrainy ŭ Jeŭrasajuz jaje suvierennym pravam

Kreml nazvaŭ ustupleńnie Ukrainy ŭ Jeŭrasajuz jaje suvierennym pravam

Usie naviny →
Usie naviny

Złamyśniki stvaryli fejkavyja boty «Našaj Nivy» — nie viadziciesia!6

Biełarus pasprabavaŭ atrymać hramadzianstva Ukrainy, bo jahonyja prodki ŭ 1918 hodzie nibyta žyli va UNR1

U Biełarusi pačali pradavać siedan «biznes-kłasu» ad Lada, na jaki sprabavali pierasadzić rasijskich čynoŭnikaŭ. Što za jon i kolki kaštuje10

Znojdzienyja pad Smalavičami abłomki sapraŭdy akazalisia mietearytnymi

Pažar na Čarnobylskaj AES dahetul nie patušyli4

Vatykan paviedamiŭ pra składanuju kliničnuju situacyju sa zdaroŭjem Papy Franciška

24-hadovaja dziaŭčyna z Barysava patanuła ŭ vańnie5

Ahient Dudkin raskazaŭ, jak davaŭ KDB spravazdačy pra Łatušku i mahiloŭskich studentaŭ25

Ukraina ničoha nie viedała pra pieramovy ŭ Saudaŭskaj Aravii i nie budzie ich pryznavać11

bolš čytanych navin
bolš łajkanych navin

Kreml nazvaŭ ustupleńnie Ukrainy ŭ Jeŭrasajuz jaje suvierennym pravam

Kreml nazvaŭ ustupleńnie Ukrainy ŭ Jeŭrasajuz jaje suvierennym pravam

Hałoŭnaje
Usie naviny →

Zaŭvaha:

 

 

 

 

Zakryć Paviedamić