Dziaŭčyna rabiła fota karoŭ u poli. Rahuli zataptali jaje da śmierci
Rebieka paśpieła zrabić pieradśmiarotnaje fota i dasłać maci.
29-hadovuju dziaŭčynu ŭ Anhlii da śmierci zataptała karova. Apošniaje, što jana zrabiła pierad hetym — dasłała maci fatahrafiju karoŭ u poli, piša Bi-bi-si
Uviečary Rebieka Morys vyhulvała sabaku ŭ poli niedaloka ad Ryviersajd-Uej (hrafstva Lesteršyr) i adpraviła svajoj mamie fatahrafiju z podpisam «karovy».
U chodzie rasśledavańnia vyśvietliłasia, što rodnyja 29-hadovaj dziaŭčyny, zaniepakojenyja adsutnaściu adkazaŭ na ich paviedamleńni, adpravilisia na pošuki i znajšli Rebieku ŭ poli śmiarotna paranienaj.
Miascovy fiermier Haj Chatan i inšyja žychary vioski zrabili joj sardečna-lohačnuju reanimacyju da prybyćcia ekstranaj dapamohi, ale jana pamierła na miescy.
Sudova-miedycynski ekśpiert Majkł Bihs paviedamiŭ, što Morys, jakuju rodnyja i siabry nazyvali Beki, mieła adbitki kapytoŭ na hrudziach i plačach, a taksama «jana atrymała traŭmu piečani, što pryviało da jaje śmierci ad unutranaha kryvacioku.
Miedyk, jaki prybyŭ na miesca, paviedamiŭ, što pieršyja zvanki ŭ słužbu ekstranaj dapamohi śviedčyli, što na dziaŭčynu napali abo jaje zadušyli, ale ŭ vyniku ŭskryćcia doktar Bihs nie vyjaviŭ nijakich dokazaŭ datyčnaści inšaha čałavieka.
«Charaktar traŭmaŭ i ich ciažar zanadta surjoznyja, kab być vyklikanymi inšym čałaviekam, jany adpaviadajuć vialikamu ciažaru, jak karovy», — skazaŭ jon.
Jon dadaŭ, što kolkaść traŭmaŭ była «nie nastolki vialikaj», kab śviedčyć pra ŭdzieł usiaho statka, zamiest hetaha jon ličyć, što heta moh być «incydent z udziełam adnoj karovy».
Taksikałahičnaja spravazdača pakazała, što ŭ arhaniźmie Morys byŭ niaznačny ŭzrovień ałkaholu i pryznačanych joj lekaŭ, ale doktar Bihs adznačyŭ, što ŭździejańnie hetych rečyvaŭ na jaje było b niaznačnym.
«Jana była cudoŭnaj, miłaj dziaŭčynaj. Jana była dobraj, spahadlivaj i zaŭsiody ŭsich słuchała», — raspavioŭ pra svaju dačku baćka Rebieki Devid Morys.
Rasśledavańnie praciahvajecca. Ale śmierć ad žyvioły ŭ spravie ŭžo nie vyklikaje sumnievu. Los sabaki Rebieki niezrazumieły.
Kamientary