Pratasievič pahražaje apublikavać «kampramat» — intervju z Čudziancovym, jaki dniami vychodzić na svabodu
«Vialikaje intervju z realnym stvaralnikam prajekta NEXTA».
Paśla vychadu intervju Ksienii Sabčak z Ramanam Pratasievičam, jaki raniej byŭ adnym z redaktaraŭ prajekta «Niechta», zasnavalnik «Niechta» Ściapan Puciła prapanavaŭ tamu sustrecca ŭ Varšavie i abmianiacca ordenam na ordar: Puciła jamu addaść «łaŭry», a Pratasievič uručyć «ordar ad KDB».
Pratasievič u adkaz na heta vyklikaŭ byłoha kalehu na kułačny boj. I daŭ sutki na adkaz.
A paśla taho, jak Puciła jaho praihnaravaŭ, vyrašyŭ pryhrazić inšym na vypadak, kali budzie atrymlivać źniavahi ŭ svoj bok.
«U takim vypadku budzie apublikavana vialikaje intervju z realnym stvaralnikam prajekta NEXTA i čałaviekam, jaki adnaasobna vioŭ prajekt, pakul jaho ściah nie padchapiŭ užo ja. Šyrokaj hramadskaści jon praktyčna nieviadomy.
Vy ž nie dumali, što ŭ 15 (abo 16, mahu pamylacca) hadoŭ juny Ściapan, u jakoha nie było nijakich spaznańniaŭ u miedyja, raptam rezka pačaŭ kazać prafiesijnym televizijnym składam i pisać surjoznyja materyjały? Kali dumali, to ŭ mianie dla vas drennyja naviny», — napisaŭ Pratasievič u svaim telehram-kanale.
Pratasievič, vidavočna, namiakaje na Uładzimira Čudziancova. «Naša Niva» raniej pisała, što žurnalist ličyŭsia adnym sa stvaralnikaŭ telehram-kanała.
U 1990-ja Čudziancoŭ (tady pad proźviščam Zujeŭ) byŭ aŭtaram prapahandysckich artykułaŭ pra apazicyjanieraŭ. Paśla Kryma-2014 rezka źmianiŭ pazicyju, zajmieŭ antypucinskija i antyłukašenkaŭskija pohlady.
U listapadzie 2019 hoda Uładzimir Čudziancoŭ byŭ zatrymany ŭ ciahniku padčas pajezdki ŭ Polšču. U jaho nibyta znajšli narkotyki. Kančatkovaje abvinavačańnie było nastupnym:
- č. 2 artykuła 343 (raspaŭsiud porna zaviedama niepaŭnaletniamu) — 2 hady;
- č. 1 artykuła 328 — zachoŭvańnie narkotykaŭ;
- č. 1 artykuła 14, č. 1 artykuła 328 (zamach na niezakonny pieravoz narkotykaŭ praz hranicu) — 4 hady i štraf 27 tysiač rubloŭ.
Čudziancoŭ adbyvaje pakarańnie ŭ mahiloŭskaj kałonii № 15. Vyzvalicca jon musić u kastryčniku.
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova8
Kamientary