Asablivaściu hetaha abmienu stała toje, što dadomu viarnuli niamała ŭkraincaŭ, jakija byli asudžanyja rasijskimi sudami i atrymali praciahłyja terminy źniavoleńnia i navat pažyćciovaje.
Kaardynacyjny štab pa pytańniach abychodžańnia z vajennapałonnymi pravioŭ 58-y abmien vajennapałonnymi — dadomu viarnulisia jašče 95 abaroncaŭ Ukrainy.
«95 našych ludziej znoŭ doma. Voiny, jakija abaraniali Maryupal i «Azoŭstal», Danieččynu, Łuhanščynu, Charkaŭščynu, Kijeŭščynu, Čarnihaŭščynu, Chiersonščynu. Kožny raz, kali Ukraina ratuje svaich ludziej z rasijskaha pałonu, my nabližajem dzień, kali svaboda budzie viernutaja ŭsim, chto znachodzicca ŭ rasijskaj niavoli», — napisaŭ Uładzimir Zialenski.
U kaardynacyjnym štabie paviedamili, što asablivaściu hetaha abmienu stała toje, što dadomu viarnuli niamała ŭkraincaŭ, jakija byli asudžanyja rasijskimi sudami i atrymali praciahłyja terminy źniavoleńnia (28 čałaviek) i navat pažyćciovaje (20 abaroncaŭ).
Siarod vyzvalenych z pałonu nachvardziejcy, vajennyja maraki, voiny USU, pahraničniki i pradstaŭniki inšych padraździaleńniaŭ sił biaśpieki i abarony.
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary