Horad viadomy ŭ tym liku tym, što tam žyvie šmatlikaja biełaruskaja dyjaspara, dziejničaje supołka BAZA, ažno dźvie pravasłaŭnyja parafii.
U ZŠA było praviedziena tradycyjnaje apytańnie, padčas jakoha ŭdzielnikam internet‑hałasavańnia prapanoŭvałasia nazvać samy «ŭbohi» horad krainy. Absalutnuju pieramohu atrymaŭ Kliŭlend,
u jakim, darečy, žyvie niasłabaja biełaruskaja dyjaspara, dziejničaje supołka BAZA i navat cełyja dźvie biełaruskija parafii pravasłaŭnaj carkvy.
U apytańni internet‑resursu biźnies‑vydańnia Forbes.com, udzielnikam apytańnia prapanoŭvałasia acanić jakaść žyćcia ŭ haradach pa roznych pakazčykach. Jak vyśvietliłasia,
Kliŭlend «pieramoh» praktyčna va ŭsich naminacyjach.
Respandenty, u pryvatnaści, paličyli, što mienavita ŭ hetym horadzie samy vysoki ŭzrovień biespracoŭja, najbolš niespryjalny klimat, «hrabiežnickija» padatki i samaja vysokaja inflacyja; žachlivaja karupcyja i ŭzrovień złačynnaści, a taksama samyja «bieznadziejnyja» spartyŭnyja kamandy. Apošniaje — dosyć sprečnaje mierkavańnie: u NBA zaraz «Kliŭlend Kavaljers» ź vialikim adryvam lidziruje na Ŭschodzie i naohuł pa stanie na 21 lutaha źjaŭlajecca najlepšaj kamandaj ZŠA, navat majučy na adnu pieramohu bolej, čym «Lejkiers». U minułym hodzie «Kavaljerz» taksama stali najlepšaj kamandaj Uschodu ŭ rehularnym čempijanacie, a ŭ plej‑of dajšli da finału kanfierencyi, dzie sastupili «Arłanda». Što praŭda, čempijonam NBA «Kliŭlend», zasnavany ŭ 1970‑m hodzie, ni razu nie byŭ.
Druhoje miesca ŭ śpisie «aŭtsajderaŭ» zaniaŭ Stoktan u štacie Kalifornija, jaki ŭ minułym hodzie byŭ pieršym. U pieršuju trojku taksama ŭvajšoŭ Memfis (štat Teniesi), u jakim byli adznačany vysoki ŭzrovień złačynnaści i karumpavanaści čynoŭnikaŭ. U liku inšych haradoŭ, u dziasiatku ŭvajšli: Majami, Sient‑Łuis, Bafała, Kentan, jaki taksama znachodzicca jak i Kliŭlend u štacie Ahajo, zamykaje śpis Čykaha (taksama horad viadomy biełaruskimi, a bolš polskimi etničnymi arhanizacyjami).
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku6
Kamientary