Jak paviedamili BiełTA ŭ pres-słužbie Biełaruskaj čyhunki, DTZ zdaryłasia na pierahonie Barysaŭ — Žodzina.
Pavodle papiaredniaj infarmacyi, mikraaŭtobus vyjechaŭ na zabaranialny sihnał śviatłafora i sutyknuŭsia z hruzavym ciahnikom. Incydent adbyŭsia ŭ 17:58.
«Kiroŭca Volkswagen vyjechaŭ na zabaranialny sihnał śviatłafora na rehulavanym čyhunačnym pierajeździe pry spraŭna pracujučaj sihnalizacyi. Mašynistam ciahnika było vykarystana ekstrannaje tarmažeńnie. Paźbiehnuć sutyknieńnia nie ŭdałosia», — havorycca ŭ paviedamleńni.
U BČ papiaredžvajuć pra mahčymyja zatrymkach asobnych ciahnikoŭ, jakija kursujuć na ŭčastku Orša — Minsk. Prymajucca apieratyŭnyja miery pa likvidacyi nastupstvaŭ incydentu i dastaŭcy pasažyraŭ da stancyj pryznačeńnia.
Adzin z čytačoŭ vydańnia «Anłajnier», jaki volaj losu apynuŭsia ŭ toj čas niedaloka ad miesca avaryi, padzialiŭsia z redakcyjaj ułasnymi ŭražańniami ad taho, što adbyłosia. Pavodle jaho, u toj čas užo dobra ściamnieła.
«Naš elektraciahnik, jaki adpraŭlaŭsia ŭ 17:55 z Barysava, viarnuli nazad. Niejki čas pastajali na stancyi, potym sastaŭ pieraviali na «sustrečku», tolki paśla hetaha zmahli pajechać. Idziom sa spaźnieńniem dzieści ŭ adnu hadzinu. Nakolki mnie viadoma, hruzavy ciahnik, jaki źbiŭ aŭtamabil, usio jašče staić na puciach», — raskazaŭ pasažyr elektraciahnika 6021, jaki idzie pa maršrucie «Słaŭnaje — Minsk Pasažyrski».
-
U Asipovickim rajonie kiroŭca čakaŭ na avaryjcy DAI, a ŭ jahony aŭtamabil urezałasia inšaja mašyna
-
U Smarhoni pjany chłopiec tak zasmuciŭsia, što va ŭsich mašyny jość, a ŭ jaho niama, što raźbiŭ 9 aŭto i zasnuŭ u adnym ź ich
-
Stała viadoma pryčyna śmierci mužčyny, cieła jakoha niekalki dzion pralažała ŭ pryparkavanaj mašynie ŭ Mazyry
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki13
Kamientary