Dopis biełaruski-psichołaha pra seks z hruzinam-Apałonam vyklikaŭ mižhiendarnuju svarku

Usio pačałosia niekalki dzion tamu, kali Suładze vykłaŭ u svaim fejsbuku skryn z častkaj dopisu Lilii. Psichołah, jakaja žyvie ŭ Batumi, šmat piša pra svajo zachapleńnie hruzinskimi mužčynami. U toj publikacyi, što zacikaviła Suładze, Lilija paraŭnała ciapierašniaha kachanaha z Apałonam: «Ciapier u mianie časam pa chacie chodzić małady Apałon, abdymaje, biaskonca całuje, havoryć pra Boha i Suśviet i čaroŭna *bie».

Voś jak takija słovy prakamientavaŭ muzyka:

«Kali b takija słovy napisaŭ mužyk 40+, što časam u jaho ŭ chacie chodzić maładaja Afradyta i voś heta voś usio, žančyny b mužyka zabili patelniaj i pierad hetym abvinavacili b u abjektyvacyi, abjuzie niejkim ci hazłajtynhu. Ci što tam jašče byvaje ŭ takich vypadkach. Dumaju, spraviadliva pastupili b. Napeŭna. Ale biełaruskim psichałahiniam, taksama 40+, u Batumi ci dzie tam jašče, takoje pisać dazvalajecca, jašče i pad 400 łajkaŭ tam».

Toj post Suładze atrymaŭ 97 kamientaroŭ. Nie ŭsie byli zhodnyja z tym, što Lilija napisała niešta haniebnaje, hučali mierkavańni, što psichołah prosta padzialiłasia asabistym. Suładze pisaŭ u kamientarach, što Lilija źnievažaje jaho ŭ sacsietkach z-za źniešnaści.

Ale heta byŭ tolki pačatak. Cim napisaŭ emacyjny dopis «pra maładych Afradyt», dzie adznačyŭ, što nie budzie ciarpieć takija kamienty, a taksama vykazaŭsia nakont zaŭvahi ŭ jaho bok pra lišniuju vahu:

«Lišniaja vaha — heta biezumoŭna ch*iova. Ale heta nie pavinna *bać nikoha, akramia nośbita hetaj lišniaj vahi. Jość ch*ieva kolkaść par, dzie dziaŭčyna strojnaja, a mužčyna toŭsty. Darečy, i naadvarot taksama».

Praz paru dzion Lilija napisała vialiki post, dzie nazvała pavodziny Cima ckavańniem. Jana zapytałasia, jak źviazanaje jaje asabistaje žyćcio i fieminizm, hazłajtynh i abjektyvacyja:

«Uparta nie razumieju, čamu ŭ miescy źjaŭleńnia Apałona skančajecca fieminizm. Ja nie prysłuhoŭvaju jamu, nie schilajusia, nie padparadkoŭvajusia. Heta adnosiny roŭnych. Z usimi mužčynami ŭ mianie byli adnosiny roŭnych, za vyklučeńniem ich zalacańnia. Mnie tak padabajecca.

Bolš pavažlivaha staŭleńnia da siabie, čym tut [u Hruzii], ja nie adčuvała. Sufražystki zmahalisia nie za toje, kab dzialić rachunak, a za toje, kab mieć adukacyju, pracu, vybarčaje prava i inšyja roŭnyja z mužčynami pravy. U čym tut supraćlehłaść z tym, što mužčyna pry hetym achutvaje ciabie ciapłom i kłopatam, a ty jaho — kachańniem i piaščotaj?»

U dadatak Lilija apublikavała post, dzie apisała mahčymyja składanaści poŭnych mužčyn u seksie. Suładze ŭ adkaz nazvaŭ Liliju «samkaj čałavieka» i šarłatankaj, majučy na ŭvazie jaje prafiesiju psichołaha.

Žančyna tym časam apublikavała post pra byłoha muža, dzie vykłała skryny pierapiski ź im. Tam mužčyna vykazvaŭsia, što joj varta pryjechać u Biełaruś i «pryniać adkaznaść» — vierahodna, adkaznaść za svaju palityčnuju pazicyju, što mahło b aznačać dla žančyny pieraśled. U kamientary pryjšoŭ Cim i adznačyŭ, što «vykładvać asabistuju pierapisku ŭ sieciva nie tolki amaralna, ale i niezakonna ŭ niekatorych vypadkach», a taksama vykazaŭsia sa źniavahaj datyčna fihury Lilii. 

1 listapada abodva baki narešcie vyrašyli pastavić kropku ŭ kanflikcie. Suładze patłumačyŭ u sacsietkach, čamu tak nakinuŭsia na psichołaha. Niadaŭna jon pačuŭ, jak znajomaha italjanca šantažavała eskortnica, i toj trapiŭ za kraty, a taksama aburyŭsia tym, što muzyku Alaksandra Pamidorava abvinavacili ŭ hvałcie ŭ toj momant, kali toj zachvareŭ i źbiraŭ na dapamohu hrošy. Choć samu ahresiju ŭ bok žančyny Cim asudžaje.

«I voś kali ja dvuma nahami staju na hetym «kvitniejučym» poli, bahata ŭhnojenym žanočym dz*rmom u dačynieńni da mužčyn, mnie traplajecca toj niaščasny post Achremčyk pra boskaje sukupleńnie (abiacaŭ biez łajanki — trymaju svajo słova) z hruzinskimi Apałonami. Spačatku ja navat paradavaŭsia za abodvuch sabžaŭ: jana tam pierapisku ź siabroŭkaj vykłała, siabroŭka taksama adept siekty boskaha sukupleńnia.

Ale! Pa miery pračytańnia hetaha zabaŭlalnaha čytva baču, što niešta idzie nie tak. Fieministki zachaplajucca patryjarchalnymi rycarami i voś heta ŭsio. Tut čyrvonaja lampačka i ŭklučyłasia: abo kryžyk zdymi, abo majtki aprani. Abo fieminizm, abo patryjarchat».

Muzyka piša, što kali b jaho kamientary pra «hruzinskaha Apałona» nie pačali pierapoščvać, ničoha b nie zakruciłasia. Dalej jon pryznaje, što pačaŭ adkazvać rezka, ale «vyklučna ŭ metach samaabarony». Vysnova Suładze: u hetaj situacyi jon — achviara, a žančyny — ahresarki.

Lilija taksama padviała vyniki:

«Značyć, spačatku čałaviek biare čužuju historyju (maju), jakaja da jaho nie maje ŭvohule nijakaha dačynieńnia, kamientuje jaje, prynižajučy i abiasceńvajučy pryncypy aŭtarki («na jo*li skančajecca fieminizm»). Potym, kali ja jamu adkazvaju na napad, vykatvaje jašče niekalki pastoŭ, prynižajučy moj uzrost, maju seksualnaść, prajšoŭšysia pa źniešnaści i žanockaści, abiasceniŭšy prafiesijna, a kali ja adkazała jamu na ŭsio heta, akazałasia, čałaviek prosta pažartavaŭ. Nu, jak ža heta miła!

Nasamreč nie. Heta čystaj vady hazłajtynh. Kłasičny prykład. Ciabie prynižajuć, ty adkazvaješ, a ahresar potym kaža: «Ja pažartavaŭ, ja niaščasnaja achviara». Nie, siabručok, ty abjuzier u kaściumie aviečki» — trymajecca svajho mierkavańnia psichołah Lilija.

• 2
• 3
• 7
• 61
• 4
• 0
• 0
• 1