Kryk dušy biełaruski: Chłopcy hadami dasyłajuć ahieńčyki na storyz. Dzie inicyjatyva i rycarstva?
Biełaruska Alena (imia źmienienaje ŭ metach biaśpieki) u sacsietkach aburyłasia biezynicyjatyŭnaściu sučasnych chłopcaŭ — jaje padtrymali mnohija karystalniki. «Ja stamiłasia ad taho, što chłopcy nie chočuć ničoha rabić. Maksimum, na jaki jany zdolnyja, — ahieńčyki dasłać na storys. I tak moža ciahnucca hadami. U mianie heta vyklikaje isteryčny śmiech. Horš moža być tolki, kali dasyłajuć virtualnyja kvietki — emodžy ŭ formie kvietak», — aburajecca dziaŭčyna.
Na dumku Aleny, u sučasnym śviecie ŭsio idzie da taho, što dziaŭčat usio bolš prymušajuć zanižać standarty adnosin:
«My pavinny ŭžo i pieršymi napisać, i niejkija kroki zrabić. Rycarstva i inicyjatyva ad chłopcaŭ sychodziać. Ja nie patrabuju niečaha ekstremalnaha — kab 101 ružu adrazu. Ale chočacca krychu ŭ hetym i tak niespraviadlivym i składanym dla žančyn śviecie, dzie niama roŭnaści nasamreč, adčuvać siabie bolš rassłablena, kab u tvoj bok rabili niejkija žesty».
Alena asensoŭvaje, što reakcyi ŭ sacsietkach — heta časam tolki reakcyi, bieź niejkaha praciahu, ale jana nie moža zrazumieć, kali heta ciahniecca hadami, bieź niejkaj minimalnaj sproby kamunikacyi.
«U kožnaj dziaŭčyny, zdajecca, jość takija prychilniki, jakija miesiacami staviać ahieńčyki, biez słovaŭ niejkich, bieź ničoha. I heta vyhladaje krychu krypova i dziŭna, bo dla mianie znosiny ŭ internecie, u tym ža dyrekcie z padpisantami — heta pra jakasnuju kamunikacyju. Urešcie, tyja ž ahieńčyki prylatajuć tabie ŭ paviedamleńni, ty na heta adciahvaješ svaju ŭvahu. Kali čałaviek chacieŭ pakazać svaju reakcyju, nie pryciahvajučy ŭvahi, moh by prosta pakinuć łajk».
Dziaŭčyna ličyć, što kali ty sapraŭdy zacikaviła čałavieka, jon pojdzie na ŭsio, kab prademanstravać heta: «i kvietki dašle, i ź inšaha horada pryjedzie, i ź inšaj krainy, i na spatkańnie pakliča».
«Ja abiraju być biez adnosin zusim, kali jany nie robiać majo žyćcio lepšym u finansavym ci emacyjnym płanie. Lepiej ja sama sabie kuplu kvietki i zładžu spatkańnie, schadžu ŭ kłasnaje miesca (adna ci ź siabroŭkaj), čym budu hublać čas na dziŭnych chłopcaŭ, jakija nie mohuć navat prajavić inicyjatyvu ŭ XXI stahodździ», — kaža Alena.
Pry hetym, kaža Alena, jana ŭžo abpalvałasia na scenarach, kali sama rabiła pieršyja kroki:
«Kali dziaŭčyna napisała pieršaja, niekatoryja tak usprymajuć: značyć, joj možna manipulavać, značyć jana ŭžo zakachałasia ŭ mianie i možna dalej nie staracca. Takoje voś nieadekvatnaje staŭleńnie sustrakajecca».
Psichołah: «Ahieńčyki — novaja kulturnaja norma ŭ prajavie simpatyi, ale vam vyrašać, ci dastatkova hetaha»
Psichołah Vijaleta Nikicik adznačaje, što ŭpłyŭ sacsietak na naša žyćcio i kamunikacyju robicca ŭsio bolš zaŭvažnym, bo tam my bavim vielmi šmat času.
«Jak raniej my mahli iści pa vulicy, i niechta nam uśmichaŭsia, moh zrabić kamplimient ci źviarnuć uvahu, tak ciapier moža dasłać u adkaz na storyz ahieńčyki, heta stała novaj normaj. I heta moža być prosta prajavaj simpatyi, biez čahości surjoznaha. Ale adnačasova i pačatkam adnosin, startam kamunikacyi. Kali vy nie razumiejecie, na što kankretna takim čynam namiakaje čałaviek, i vas heta turbuje, možna spytać pra značeńnie ahieńčykaŭ naŭprost».
Vijaleta zaŭvažaje, što siarod jaje klijentak taksama sustrakajucca skarhi na biezynicyjatyŭnaść, ale jana nie raić pieranosić adzinkavyja kiejsy na pavodziny ŭsich mužčyn biez vyklučeńnia.
Samaje hałoŭnaje, na dumku psichołaha, hłabalna zrazumieć, ź jakim čałaviekam vam chočacca budavać adnosiny.
«Jaki partnior vam treba? Inicyjatyŭny ci nie? Ź jakim čałaviekam vam budzie dobra? Z kim vy budziecie ŭ biaśpiecy i ščaślivyja? Šukajcie vakoł siabie, nazirajcie i analizujcie, i, hałoŭnaje, abapirajciesia na svaje adčuvańni. Kali vy dakładna viedajecie, što vam treba, to nie źviartajecie ŭvahu na paviarchoŭnaje, infantylnaje, niesurjoznaje, vy adrazu asensoŭvajecie, jakija prajavy asoby i kamunikacyja kažuć pra toje, što heta nie vaš čałaviek».
«Stabilna dasyłajuć dzikpiki». Niu-madelka Lina Capava — pra zarobak ad fota, bulinh u škole i adnosiny ź Mikitam Miełkazioravym
«Sa mnoj usio prosta i biaspłatna». Adšukali biełarusaŭ, jakija, jak Duraŭ, chočuć dzialicca śpiermaj i pakidać šmat naščadkaŭ
Ci vyklikajuć antydepresanty zaležnaść? I ci byvajuć u dziaciej depresii? Adkazvaje śpiecyjalist
Kamientary