Mikita Miełkazioraŭ ščyra raskazaŭ pra svaje adnosiny ź niu-madellu Linaj Capavaj
«Ja chacieŭ seksu — atrymaŭ sacyjalny pakiet. A bulby kolki ŭ maim žyćci stała!»
U padkaście «Paŭhadziny kardyja» błohier Mikita Miełkazioraŭ i niu-madel i viadučaja padkasta Alina Capava raskazali pra svaje adnosiny.
Mikita pryznaŭsia, što chacieŭ paznajomicca z Alinaj, kab pieraspać. Ale ŭ vyniku ŭ pary skłalisia surjoznyja adnosiny. «Ja chacieŭ seksu — atrymaŭ sacyjalny pakiet. Jon značna bolšy, čym seks», — dzielicca błohier.
Dla taho, kab sustrecca, jon pajechaŭ va Urocłaŭ, dzie na toj čas žyła Alina.
«Pakružyli my pa Urocłavie, paśla ja źnik jak apošniaja miarzota. Paźniej ja pahladzieŭ vaš padkast [«Paŭhadziny kardyja»], dumaju: «O, Alina». I voś paśla hetaha my pačali śpisvacca», — raskazvaje Mikita.
A paśla jon zładziŭ Alinie sapraŭdnaje sumoŭje.
Čytajcie taksama: «Stabilna dasyłajuć dzikpiki». Niu-madelka Lina Capava — pra zarobak ad fota, bulinh u škole i adnosiny ź Mikitam Miełkazioravym
«Pakolki my ludzi darosłyja, peŭna, Mikita vyrašyŭ prajaśnić dla siabie niekatoryja rečy, — zhadvaje Lina. — Umoŭna, čym ty zajmaješsia, čym ty płanuješ zajmacca dalej, a jak ty bačyš adnosiny. Ja nie pamiataju dakładnych farmulovak pytańniaŭ. (…)
Ja adčuvała ahresiŭny najezd. Ja skazała, što mnie nie padabajecca farmat i ton, u jakim my razmaŭlajem. Chacia, mahčyma, ja sabie prydumała. Jon zaŭsiody tak razmaŭlaje, jak vyjaviłasia».
Maładyja ludzi vielmi chutka źjechalisia. Ale Mikita nie rekamienduje inšym tak pastupać:
«Ja liču, što heta była łatareja, u jakoj šancaŭ na pieramohu było vielmi i vielmi niašmat. Tamu što dva absalutna nieznajomyja čałavieki, jakija ŭ hetym žyćci papracavali tolki, kab sustrecca va Urocłavie adzin raz, paśla ja pryjechaŭ da jaje ŭ Rym. (…)
Heta byŭ vielmi žorstki ekśpierymient. Na paŭhoda dakładna byŭ kraš-test. I vielmi dobra, što my vytrymali, tamu što šancaŭ, jak mnie padajecca, nie vypłyć, było značna bolš. Tamu što nie ŭsio bazujecca na seksie, jakim by važnym jon ni byŭ u hetym žyćci».
Jak pryvykali adno da adnaho
Dla Aliny pieršyja miesiacy sumiesnaha žyćcia ŭ kvatery Mikity byli vielmi ciažkimi:
«Heta chałaściacki biarłoh jak jon jość. (…) Ja pamiataju, chvalavałasia, ci pravilna ŭsio rablu. A kudy što pastavić. A ŭ mianie tut niama palički, u mianie niama ŭvohule, kudy pakłaści rečy, kudy paviesić. Potym było šmat niejkich štuk pa ŭzajemadziejańni. Nam treba było pryciercisia, zrazumieć, chto čyje miežy ciapier parušaje, chto nie parušaje, damovicca ab hetym. Pieršyja paŭhoda heta prosta «atamnaja vajna» była».
Maładyja ludzi pryznajucca, što ŭ toj pieryjad byli momanty, kali jany dumali, što razyducca. Mikita tłumačyć, što jany z Alinaj fryłansiery i šmat času pravodziać razam. I heta vielmi napružvała jaho. «Ja ŭ peŭny čas dumaŭ, što treba sabie niejki WeWork naniać dla taho, kab vychodzić, dla taho, kab heta było nie nastolki intensiŭna».
Źniać napružańnie dapamahła pajezdka Mikity na zdymki ŭ Kijeŭ.
Błohier taksama zhadvaje, što jamu daviałosia mirycca ź niekatorymi zvyčkami Aliny, naprykład, z tym, što jana śpić hołaja, i «hołaja vychodzić śniedać». Dziakujučy Alinie jon daviedaŭsia, što ŭ kvatery jość ciopłaja padłoha.
«Ja ŭsio ekanomlu. (…) Pakrucić batareju zimoju na piać. U mianie na try staić. My vajavali za hetuju voś batareju. Paśla ja razumieju, što ŭ nas jość vosiem hadoŭ roźnicy. Tamu što voś jana johurt biare i nie ablizvaje [nakryŭku]. Ja dumaju: «Jak možna nie ablizać?». (…)
Voś u mianie staić ježa, ja razumieju, što jaje treba dajeści. U Aliny takoha niama. (…) A bulby kolki ŭ maim žyćci stała! Ja ž nie viedaŭ, što heta taki bulbiany čałaviek. Ja jeŭ bulbu raniej raz na hod. (…)
A jašče ja śviatło ekanomlu. Mnie dastatkova adnoj lampy. Ja mahu pad joj čytać, hatavać ježu. A kali Alina zastajecca sama, jany tam z [sabakam] Fudžy… U ich Halivud prosta. Śviatładyskateka. Im treba śviatło, kab hladzieć tyktoki. Ekran ža śviecić! Ja nie razumieju!»
Alina taksama padzialiłasia svaimi nazirańniami ab tym, jaki Mikita ŭ bycie. Dziaŭčyna zaŭvažaje, što zmahła pryzvyčaicca da taho, što paśla jaho «ŭ duš prosta nie zajści», bo tam vielmi šmat vady.
Taksama, pa słovach Aliny, u ich ź Mikitaj roznaje razumieńnie čyścini. Kali Mikita hatuje, zastajecca šmat brudu.
Sam mužčyna pryznajecca, što navučyŭsia pracirać plitu i ŭsie pavierchni paśla taho, jak pryhatavaŭ ježu.
Jak adnosiny paŭpłyvali na charaktar
Pa słovach Aliny, u adnosinach jana stała adčuvać siabie bolš spakojnaj:
«Mnie zdajecca, praz hod ja adčuła tatalnuju biaśpieku pobač z čałaviekam. I heta vielmi mocna rassłablaje. Niekalki maich siabrovak mnie zrabili kamplimient, što ja stała płaŭniejšaja, spakojnaja, biez skačkoŭ emocyj».
Mikita pryznajecca: «Heta pieršyja maje adnosiny, kali my z čałaviekam žyviom. (…) Tamu zrazumieła, što heta tak ci inakš mianie mianiaje. Zadača Aliny — źniščyć maju «pryncesu». Ja razumieju, što čas ad času jana paŭstaje, i ŭ nas dźvie pryncesy ŭ 46 kvadratnych mietrach. I heta vielmi ciažka. Razumieješ, što vielmi ciažka padładkavacca. (…) Ale my nie stracili siabie, nie supier pryjšłosia pierapłaŭlacca».
Što za siamiejny dzień spatkańniaŭ
Maładyja ludzi pryznajucca, što jany prapuścili «cukieračna-bukietny» pieryjad. Ale Aliny patłumačyła Mikitu značnaść spatkańniaŭ i ŭkaraniła ich u sumiesnaje žyćcio:
«Daviałosia pavajavać za heta, tamu što ŭ nas było roznaje ŭjaŭleńnie ab sumiesna praviedzienym časie. Mikita mnie raskazvaŭ: «Tak my ž žyviom razam. Što tabie jašče treba? My ŭ kvatery znachodzimsia. Jakija spatkańni?» (…) A ja chaču mianiać abstanoŭku, vychodzić niekudy, atrymlivać novyja ŭražańni razam, kab nam było, što abmierkavać i ŭ nas niejki kanekt utvaraŭsia. Heta daviałosia patłumačyć i ŭkaranić siamiejny dzień spatkańniaŭ».
Jak Mikita stavicca da taho, što Alina maje profil na OnlyFans
Mikita raskazvaje, što Alina jaho papiaredziła ab tym, što źbirajecca zavieści profil na OnlyFans. Kali niechta pytajecca, čym zajmajecca jaho dziaŭčyna, jon adkazvaje, što jana madel.
«Kali ŭžo niejkaja padkatehoryja, to Alina niu-madel. Jana hetym zajmajecca. Heta praca, heta jak by ŭsio narmalova. Mnie moža było niejak i niazvykła. Było šmat stereatypaŭ nakont OnlyFans i hetak dalej, ale ja žyvu z hetym i mnie jak by spakojna».
Mikita śćviardžaje, što nie źviartaje ŭvahi na mierkavańnie inšych adnosna OnlyFans:
«Što mnie ad źniešniaha mierkavańnia, z-za taho, što niechta dumaje kiepska pra Alininu prafiesiju ci profil jaje dziejnaści? Heta mianie adviernie ad jaje? Nie. Ja razumieju, što mnie kłas. Alina pryhožaja. Mnie padabajucca jaje fotki taksama. I jana ŭpeŭniena siabie adčuvaje ŭ kadry. Dyk čamu nie?»
Mužčyna pryznajecca, što ŭ jaho byli stereatypy, bo «my ž pradukty hramadstva, u jakim žyviom»:
«Dla mianie było niazvykła, što isnuje takaja prafiesija. Mnie padajecca, što ja adaptavaŭsia da hetaha spakojna. Heta jość, heta dapamahaje Alinie taksama žyć. Heta farmiruje niejki siamiejny biudžet. U Aliny jość svaje hrošy (…) Ja ničoha suprać nie maju».
Miełkazioraŭ: U mianie raspluščvalisia vočy, što my nijakija nie ruskija sa znakam jakaści. Ale prymušać da biełaruskaści nie atrymajecca
Mikita Miełkazioraŭ pachvaliŭsia ŭ instahramie novym siabram, jakoha nabyŭ bolš čym za 1000 jeŭra
Kolki zarablaje Mikita Miełkazioraŭ
«Jość łot na 500 dalaraŭ». Biełaruska zarablaje na prodažy svaich aholenych fota
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary
abarščajusia da vas, jak da znaŭcy "padabienstva" nasoŭ)
jak pa-mojmu, dyk nie padobny źniešnie ani