U Ryzie demantavali pomnik rasijskamu fieldmaršału Barkłaju-de-Toli
U noč na čaćvier, 31 kastryčnika, u Ryzie ŭ parku Espłanada była demantavanaja statuja ruskaha pałkavodca Michaiła Barkłaja-de-Toli, paviedamiŭ mer Ryhi Viłnis Kirsis.
U sacsietcy X mer Ryhi apublikavaŭ fota demantažu i napisaŭ: «Płošča Espłanady volnaja ad simvała ruskaha impieryjalizmu». Z płoščy prybrali i pastamient, na jakim byŭ ustalavany pomnik.
Esplanādes laukums ir brīvs no krievu imperiālisma simbola. pic.twitter.com/XubZCA1HTM
Ryžskaja duma ŭchvaliła demantaž i pieranos z Espłanady statui Barkłaja de Toli 16 kastryčnika.
Pomnik byŭ ustalavany ŭ 1913 hodzie, a ŭ 1915 hodzie jaho demantavali, pakinuŭšy tolki pastamient. U 2002 hodzie pa inicyjatyvie pradprymalnika Jaŭhiena Hombierha na im była ŭstalavanaja kopija statui. Paśla demantažu jaje płanujecca viarnuć nazad Hombierhu.
Upraŭleńnie nacyjanalnaj kulturnaj spadčyny nie piarečyła suprać pieranosu pomnika, pakolki jon nie źjaŭlajecca pomnikam kultury, jaki achoŭvajecca dziaržavaj. U toj ža čas pastamient kulturnuju i histaryčnuju kaštoŭnaść maje, tamu jahonaje źniščeńnie niedapuščalna.
Paśla taho, jak Rasija raspačała ŭ 2022 hodzie poŭnamaštabnuju vajnu suprać Ukrainy, u roznych jeŭrapiejskich krainach, a pieradusim krainach Bałtyi ŭzmacnilisia ruchi za pazbaŭleńnie ad pomnikaŭ, jakija nahadvajuć pra rasijskuju impierskuju spadčynu roznych časoŭ. Pierad hetym u Ryzie ŭ noč na 30 maja 2023 hoda byŭ demantavany pomnik paetu Alaksandru Puškinu, pastaŭleny ŭ centry horada ŭ 2009 hodzie.
Michaił Barkłaj-de-Toli — rasijski pałkavodziec šatłandska-niamieckaha pachodžańnia, jaki staŭ viadomy padčas vojnaŭ z Napaleonam u pačatku XIX stahodździa. Jon faktyčna vykonvaŭ abaviazki hałoŭnakamandujučaha rasijskaj armijaj u pačatku vajny 1812 hoda, da pryznačeńnia Michaiła Kutuzava. Paśla ŭ zamiežnym pachodzie rasijskaj armii 1813-1814 hadoŭ jon kamandavaŭ abjadnanaj rasijska-pruskaj armijaj u składzie sił sajuźnikaŭ pad ahulnym kamandavańniem kniazia Karła Švarcenbierha. Častka prodkaŭ Barkłaja-de-Toli pachodziła z astziejskich niemcaŭ i žyła akurat u Ryzie. Pavodle adnoj ź viersij, jon i sam moh tam naradzicca.
Što stała z rasijskimi pomnikami, jakija impieryja staviła ŭ nacyjanalnych pravincyjach
Astapienia prapanavaŭ, jak cichieńka pazbavicca ad pomnikaŭ Leninu
Prapahandysty płačucca, što ŭkrainskija ŭłady źnieśli pravasłaŭny chram u Kijevie. Što za jon?
Z pomnikam paŭstancam 1863 hoda ŭ Vilni ŭźnik niečakany pavarot. Jaho mohuć navat demantavać
U Safii znosiać pomnik Savieckaj armii. Takoje rašeńnie pryniali jašče 30 hod tamu, ale sprava nie ruchałasia
U Kijevie skončyŭsia demantaž hierba SSSR z manumienta «Radzima-maci»
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary
Z.Y. v 1941 niemieckije zondierkomandy dla okončatielnoho riešienija jevriejskoho voprosa dažie dojechať nie uśpieli, svoi vsie sdiełali. Tak čto šans u pamiatnika jesť...